Assi: Jaaku Lyberth/KNR

Nunaminerals akiliisinnaajunnarluni nalunaarutigineqarnissaannut Koreamiut ambassadøria malinnaavoq

NunaMinerals akiliisinnaajunnaarluni matuneqarpat Korea Kujalliup nunatsinni aningasaliissutigisai annaaneqassapput. Taamaatumik NunaMinerals pillugu ulluni makkunani pisut, Korea Kujallermi suliffinnit aamma Koreamiut ambassadøriannit ulluni makkunani nunatsinni tikeraartumit malinnaavigineqaqqissarpoq.

NunaMinerals akiliisinnaajunnaarluni matuneqarpat  Korea Kujalliup nunatsinni aningasaliissutigisai annaaneqassapput.  

Taamaatumik NunaMinerals pillugu ulluni makkunani pisut, Korea Kujallermi sulifeqarfinnit aamma Koreamiut ambassadøriannit ulluni makkunani nunatsinni tikeraartumit malinnaavigineqaqqissarpoq.

Korea kujalliup Danmarkimi ambassadøria  Young-sa Ma ullut kingulliit Nuummut tikeraarpoq.

Ambassadørip Yung-sa Ma-p Kalaallit Nunaata Korea Kujalliullu suleqatigiissutigissinnaasai arlaqartut misissuiffigai, soorlu takornariaqarnikkut, aalisarnikkut minnerunngitsumillu nunatsinni aatsitassat pillugit suleqatigiissutigineqarsinnaasut.

Misissueqqissaartarfiup Nunamineralsip  siunissaa ulluni makkunani nalorninartorsiutigineqartoq, koreamiut ambassadøriata malinnaaffigeqqissaarpaa.  

 

Aamma atuaruk /Nunarput Korea kujallerlu suleqatigiinnerulissapput

NunaMinerals akiliisinnaajunnaartutut nunatta eqqartuussiviani ippassaq aalajangiiffigineqartussaagaluarpoq  tamannali kinguartinneqarpoq, kinguartinneqarneralu pillugu oqaaseqartoqarumanani.
Korea Kujalleq Kalalalit Nunaanni aatsitassarsiornernut arlalinnut aamma NunaMineralsimut aningaasaliivoq.

- Nunatta eqqartuussivia Nunaminerals pillugu aalajangeereerpat Nunamineralsimik suleqateqarnerput qanoq nanginneqarsinnaanersoq paasissavarput, Young-sa MA  oqarpoq, tassalu misissueqqissaartarfiup aningaasatigut ajornartorsiornera pillugu nangaassuteqanngivilluni ingerlaqqilluni.

Ambassadøri erseqqissaatigalugu oqarpoq, Nunamineralsimi pissutsit malinnaaffigeqqisaaramigit aamma nunat allamiut suliffeqarfiisa NunaMineralsip akiliisinnaajunnaarluni matunissaa kissaatiginngikkaat ilisimaaralugu, Young-sa Ma oqarpoq.  

 

Aamma atuaruk nunarput-korea-kujallerlu-suleqatigiinnerulissapput

Korea Kujalliup naalagaaffiata misissueqqissaartarfia KORES nunatsinni aatsitassarsiornernut suleqataavoq,  kisianni tassa Nunaminerals akiliisinaajunaarluni matuneqarpat Qeqertaasami  Maniitsup eqqaaniittumi aatsitassanik qaqitigoortunik misissuinermut KORES-ip  aningaasaaleeqataanini annaassavaa.  

Taamaattumik Korea Kujallermi suliffeqarfiit aatsitassarsiornermik suliaqartut NunaMineralsimi pisutsinut  malinnaalluarput.

- Malinnaaqqissaarpugut  tassami Kalaallit Nunaanni siullermeerluta aningaasaliigatta,  aamma Korea Kujallermi suliffeqarfiit allat Kalaallit Nunaanni annertuunik aningaasaliinissamut kissaateqarmata.  Taamaattumik suliffeqarfiit  NunaMineralsimi pisunut malinnaaqqissaarput Korea Kujalliup Danmarkimi ambassadøria Youn-sa Ma oqarpoq

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl