Nuna ikuallattoq ima qamisarneqassaaq

Ikuallaffik killilerlugu nunallu ilua nunamut kapuutit atorlugit imerterlugu. Tassa taakkua suliarissallugit qatserisartut 38-it Danmarkimiit Nunatsinnut tikerlaat pilersaarutigigallarpaat.
Nunap ikuallattup nunap iluani ikumaruusaarluni ukioq anigorsinnaavaa, taamaalilluni qaminneqanngikkuni aasaqqippat ikummaqqissinnaalluni. Assi © : Aputsiaq Olsen Jonathansen
Qatserisartut 38-t Sisimiut eqqaani ikuallattumukartinneqartut sorlaat nunap iluani ikumaruusaartut qamisassavaat. Assi © : Aputsiaq Olsen Jonathansen
Upalungaarsimanermut ataatsimiititaliap ikuallattup qamisarnissaanut ikiuunnissartik sapaatip akunnerini marlunnik sivisussuseqarnissaa naatsorsuutigaa, suliartortitsinerallu 3 millioner koruuninik naleqarpoq. Assi © : Aputsiaq Olsen Jonathansen
Qatserisartut 38-t Sisimiut eqqaani ikuallattumukartinneqartut sorlaat nunap iluani ikumaruusaartut qamisassavaat. Assi © : Aputsiaq Olsen Jonathansen
Nunap ikuallattup nunap iluani ikumaruusaarluni ukioq anigorsinnaavaa, taamaalilluni qaminneqanngikkuni aasaqqippat ikummaqqissinnaalluni. Assi © : Aputsiaq Olsen Jonathansen
Qatserisartut nunamut kapuutinik ilaatigut ikkussueriarlutik ikuallanneq qamisarlugulu killilersussavaat. Assi © : Aputsiaq Olsen Jonathansen
Sisimiut Kangerlussuullu akornanni nuna ikumarusaartuarsinnarpoq. Assi © : Aputsiaq Olsen Jonathansen
Upalungaarsimanermut ataatsimiititaliap ikuallattup qamisarnissaanut ikiuunnissartik sapaatip akunnerini marlunnik sivisussuseqarnissaa naatsorsuutigaa, suliartortitsinerallu 3 millioner koruuninik naleqarpoq. Assi © : Aputsiaq Olsen Jonathansen
Qatserisartut nunamut kapuutinik ilaatigut ikkussueriarlutik ikuallanneq qamisarlugulu killilersussavaat. Assi © : Aputsiaq Olsen Jonathansen
Allattoq Kathrine Kruse
aggustip 14-at 2019 05:48

Qatserisartut 38-t qallunaat illersornissaqarfiata timmisartorsuanut Herkulesimut ilaallutik Danmarkimit Nunatsinnut marlunngornermi qangattarput, taakkualu Nunatsinni qatserisartut Sisimiut aamma Kangerlussuup akornanni nunamik ikuallattumik qamisaaneranni ikiuutissapput.

Nunamimi ikuallanneq qaminneqanngikkuni, nunap iluani ukiuunerani ikumarusaarsinnaasoq, aasaqqippallu ikummaqqissinnaasoq, ilaatigut aarleqqutigineqarpoq.

- Taamaammat pisoq pinartuuvoq. Tassami nunami ikuallanneq sumiiffimmut ukiiffigisinnaasaminut siaruarsinnaavoq, taamaalilluni aasaqqippat ikummaqqissinnaassalluni. Tamannalu pinngitsoorteriassavarput, Danmarkimi upalungaarsimanermut ataatsimiititaliarsuarmi nunani tamalaani upalungaarsimasut pisortaat, Jens Oddershede, oqarpoq.

AAMMA ATUARUK Tupannartorujussuuvoq

Qallunaat qatserisartut taakku 38-t qatserinermut atortut 13 tonsitut oqimaatsigisut nassarlugit Sisimiunut ippassaq unnukkut tikipput. Qatserisartullu sorlaat nunap iluani ikumaruusaartut qamisassavaat.

Taamaattumik ikuallattoq siullertut killilersorniarneqarpoq.

- Siullertut ikuallaffik killilerniarneqassaaq, tassa inneq siuaruatsaaliorlugu. Uanilu pingaarnertut kuup illuatungaanut siuaruatsaaliorneqassaaq, kuup illuatungaanimi nunatarujussuaqarpoq, Jens Oddershede oqarpoq.

AAMMA ATUARUK Qatserisartut 38-it Danmarkimiit ikiuukkiartussasut

Qatserisartullu issoq ikuallattoq qamisarniarlugu ilaatigut nunamut kapuutinik ikkussuissapput.

- Slangit qatserinermullu atortut assigiinngitsorpassuit nassarneqarput. Soorlu aamma nunamut kapuutit. Taakkua nunamut kapputeriarlugit nunap ilua imerterneqartarpoq, taamaalilluni sorlaat nunap iluani ikumasut qamisarneqarsinnaasarmata, taakkuami nunami ikuallanneq qaminneqarsorineqareeraluartoq ikumarusaarsinnarlutik ikummaqqissinnaasarput, Jens Oddershede oqarpoq.

Upalungaarsimanermut ataatsimiititaliap ikuallattup qamisarnissaanut ikiuunnissartik sapaatip akunnerini marlunnik sivisussuseqarnissaa naatsorsuutigaa, suliartortitsinerallu 3 millioner koruuninik naleqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk