Norskit AstraZenecap akiuussutissaliaanik atuiunnaarallarnertik sivitsoraat
![](/sites/default/files/styles/image_934x467/public/article_images/20210319-163633-l-1920x1280we.jpg?itok=W5W5czWK)
Norgep nakorsaasiorfiup AstraZenecap coronavirusimut akiuussutissaliaanik atuiunnaarallarnera sapaatit-akunnerinik pingasunik sivitsorneqartoq, tusarfiit ilaat Norgemi TV2-mut taama ilisimatitsivoq.
Norgemi peqqissutsimut aqutsisoqarfik, tusagassiortunik Norgemi ullup-qeqqanut katersortitsinermi taama ilisimatitsisoq, TV2 Norge allappoq.
Norgep Danmarkip iliuuserisaa taamaasilluni malissavaa.
AAMMA ATUARUK AstraZenecap akiuussutissaliaanik atuiunnaarneq akiuussusiinermik kinguaattoortitsisinnaasoq
AstraZenecap coronavirusimut akiuussutissaliaata atorunnaarallartinneqarnerata sapaatit-akunnerinik pingasunik sivitsorneqarnisssaa, Danmarkimi peqqissutsimut aqutsisoqarfiup ippassaq sisamanngornermi nalunaarutigaa.
Inuit AstraZenecap akiuussutissaliaanik akiuussuserneqarnerminni taqqamikkut milittoortarnerannut taakku imminnut atassuteqarnersut misissorneqarnerinut taamaasilluni piffissaqartoqarnerulissaaq.
Pasinartumik toqquteqartut Norgemi Danmarkimilu misissorneqaleruttorput.