Niviaq Korneliussen nersornaatiseqqittoq
Taanna Nunat Avannarliit Siunnersuisoqatigiivisa atuakkiortunut nersornaasiuttagaanni, atuakkiani “Naasuliardarpi” kalaallini siullersaalluni siorna novembarimi nersornaatisissutigaa.
Atuakkiortoq maanna nersornaatinik katersisinnaanngorpoq. Taannami atuakkiortunut Norgemi nersornaasiuttakkamik Bjørnsonprisenimik aamma nersornaaserneqaqqippoq.
Inuiaqatigiinni ajornartorsiutit pillugit atuakkiornini atuakkiortup nersorneqaatigaa.
Atuagaq “Naasuliardarpi” imminut toqunnermut tunngassuteqarpoq.
Allannguerusulluni atuakkiortoq
Niviaq Korneliussenip nersorneqarnini pillugu atuakkanik naqiterisitsisarfimmut Gyldendalimut ima oqarpoq:
- Bjørnsonprisenannera tulluusimaarutigisorujussuuara. Atuakkiortutut isummanillu siaruarterisutut nunanit allaniit nersorneqarneq, suliannik nuannarilluinnakkannik nunannilu ajunnginnerpaamik allannguerusussusermik ingerlatseqqinnissannik tunisivoq.
- Atuakkiorneq killeqanngilaq, tassalu tamanna nuannequtiginerpaavaa, nersornaatisisoq oqarpoq.
Ikiorneqarnissamik pisariaqartitsivit?
Imminnut toqunnissamik eqqarsaateqaraanni imaluunniit kisimiittutut misigisimagaani Tusaannga oqarasuaat 801180 imaluunniit sms 1899 attavigineqarsinnaavoq.
Oqaloqatiginninneq akeqanngilaq, kinaassutsimilli taasisoqartariaqarani.
Tusaanna pillugu annerusumik uani atuagaqarsinnaavutit.
AAMMA ATUARUK Niviaq Korneliussen: Ajugaanissara naatsorsuutiginngikkaluarpara
Norgemi atuakkiortumut nersornaat Bjørnsonprisen 100.000 koruuninik aningaasartaqarpoq, Norgemilu maajip naalernerani festivalertitsisoqarnissaani tunniunneqassalluni.
“Naasuliardarpi” 2020-imi saqqummerpoq