Nikkulaat Jeremiassen nunatsinni aalisartunut piniartunullu siulittaasunngortoq
KNAPK-mi ilaasortat sapaatit akunnerata naanerani ataatsimeersuarput, oqallittullu nipaanngillat.
Ukiut arfineq pingasut sinnerlugit siulittasuusoq, Henrik Sandgreen, inissisimaffimminit aalisarnermut piniarnermullu naalakkersuisuusimasumit Inatsisartunullu maanna ilaasortaasumit, Nikkulaat Jeremiassen, uppisinneqarpoq.
Taanna taaguuneqarluaqaaq, siulittasumik qinersisunit 25-usunit 16-init taaguuneqarluni.
Henrik Sandgreen arfinilinnit taaguunneqarpoq, siulittasussatut sassartut pingajuat, Jens Lyberth, pingasunit taaneqartoq.
AAMMA ATUARUK SQAPK vil have flere kvoter til det kystnære fiskeri efter hellefisk
- Imatut ilisarisimaneqarpallaarnanga taamatut annertuumik taajuunneqarnera uanga tuppalliutigivara assut isumalluarfigineqarlunga taajuunneqarama, Nikkulaat Jeremiassen KNR-imut oqarpoq.
KNAPK-mi siulittasunngorami Inatsisartuniit tunuassaaq. Tassani Kim Kielsenimut sinniisaalluni ilasortaagaluarpoq.
- Taanna kattuffiup malittarisassaani ajornarpoq, taanna oqarpoq.
Isumaliutissiissuteqareernerani aalisarneq pisoqarfiusoq
Siulittaasortaarneq aalisarnermi pisoqarfioreeqisoq pivoq, aalisarnermummi ataatsimiititaliarsuup isumaliutisiissutini ukiut marluk sinnerlugit suliarereerlugu Naalakkersuisunut tunniuteqqaammerpaa.
Taanna aalisarnermik nutarsaataassussanik ilaatigullu sinerissamut qanittumi saarullinniat qaleralinniallu ikilisinnerisigut nappanneqarsinnaasumik aalisalernis samik qulakkeerinnittumik, aalisarneq pillugu inatsisissamut arlalinnik inassuteqarfiuvoq.
AAMMA ATUARUK Aalisarnermut ataatsimiititaliarsuup aalisartukinnerunissaa innersuussutigaa: Meeqqatsinnut ernuttatsinnullu naammassapput
Henrik Sandgreen ataatsimiititaliarsuup inassutaanut, nammineq suleqataaffigisimasaminut, ammasumik pissuseqarpoq. Kattuffik unammillertoq SQAPK aamma naak atatsimiititaliarsuarmi suleqataagaluarluni, inassuteqaatit ilaannut akerliuvoq.
Tamanna KNAPK-p ilaasortaasa ilaasa SQAPK-mut nuunnerannik kinguneqarpoq.
- Suliassat pingaarnersarissuaat ataatsimeersuartut oqariartuutaat suliareqqullugit, Nikkulaat Jeremiassen oqarpoq, nangillunilu:
- Taavalu aappaatut kattuffik ilaasortaminut uterarfiunissaat ilaatigut suliassaavoq malunnarmat aniasoqartoq, taamaammat taanna isumaqarpunga suliassaq pingaartut tulliatut tigullutigu ulluinnarni aqutsisut siulersuisuunerit suliarisariaqarami suleqatigiilluta, siulittaasunngortoq oqarpoq.
Siumut siulittaasoqarfimmiittoq
Nikkulaat Jeremiassen KNAPK-p siuttuiniilersuni Inatsisartunut ilaasortani kisiartaanngilaq.
Siumueersoq alla, Aslak Jensen, siulittaasup tulliatut ataatsimeersuarnermi qinigaavoq.
AAMMA ATUARUK Aalisarnermut ataatsimiititaliaq: Akitsuutit isertitaqaalluartarput
KNAPK-mi siulittaasuuffiit taamaalillutik Siumumi ilaasortanit tamakkiisumik atuuffigineqalerput.