NIISIP naalakkersuinikkut iliuuseqaqqusivoq
Inatsisit suliani amerlasuuni malinneqarneq ajortut NIISIP-ip oqaatigaa, meeqqat inuusuttullu sumiginnagaasimasut pillugit iliuusissatut pilersaarutinik pilersitsisoqarneq ajortoq oqaatigalugu.
Sulianik nangitsisoqarneq ajortoq oqaatigaat, inunnillu isumaginninnermi suliallit ima suliassaqartigisarput kukkusoqarsinnaanissaa allaat pinngitsoortinneqarsinnaanngitsoq oqaatigalugu.
Sullinneqartut pitsaasumik ikorfartorneqarnissaat siusissukkullu ikiorserneqartarnisaat suliarinagit, inunnik isumaginnittutut siunnersortit suliaminnik paatsiveeruttoortarput taamaalillunilu suliniutit naammassineqarneq ajorlutik. Tamannalu ernumanartoq NIISIP tuasagassiuutinut nalunaarutaanni erserpoq.
Aamma atuaruk Meeqqat Illersuisuata isornartorsiuineq akerlilerpaa
Aamma atuaruk Aleqap ilinniarsimallutik sulisut meeqqat sumiginnakkat sammineqarnerannut ilannguteqquai
Suliat pitsaanerulernissaat pillugit Inunnik Isumaginninnermi Siunnersortit politikerinut piumasaqarput, inunnik isumaginnittoqarfiup aaqqinneqarnissaa sulissutigeeqqullugu.
Siunnersortinit ujartorneqarpoq siunnersortip ataatsip suliarisartagassai killimmik amerlassuseqartarnissaat aamma ujartorneqarluni, Inunnik Isumaginninnermi Siunnersortit akissarsiaasa ikippallaarnerannik aammalu sullissinerit pitsaannginnerannik tunngaveqartumik, illoqarfinni mikinerni Inunnik Isumaginninnermi Siunnersortitinik amigaateqartarneq aaqqinneqassasoq.
Aamma atuaruk Søren Espersen: Isumaginninnermut suliassaqarfik Danmarkip tigugallartariaqarpaa
Aamma atuaruk Ataatsimiititaliaq: meeqqanut inuusuttunullu suliniarnermut aningaasat amerlanerusut
Aamma atuaruk VIDEO Meeqqanik sumiginnaasarneq pillugu oqallinneq takoqqiguk (Qinersineq 2014)
