Ataatsimiititaliaq: meeqqanut inuusuttunullu suliniarnermut aningaasat amerlanerusut

Ataatsimiititaliap tusagassiutinut ippassaq nalunaarutaani tamanna erserpoq. Meeqqanik inuusuttunillu inuuniarnikkut ulorianartorsiortunik pisortat annilaarnartumik sumiginnaanerannik taasartik, ernumanartikkitsik nalunaarumminni ersersippaat.

- Ilaqutariinermut Peqqissutsimullu ataatsimiititaliami qinigaarlaaaginnaavugut, tusaanngitsuusaaginnarsinnaanatalu misigisimavugut. Qanoq iliuuseqartariaqarluta misigisimavugut, ataatsimiititaliap siulittaasua, Demokraatineersoq Tillie Martinussen oqarpoq.

Ataatsimiititaliaq ilaqutariinnermut naalakkersuisumik Martha Lund Olsenimik isumasioqateqareerlugu taama allagaqarpoq. Naalakkersuisoq isumasioqatigiinnermi Qaasuitsup Qeqqatalu Kommuniani isumaginninnikkut sulinermik nakkutilliiartorsimanernik marlunnik nassuiaavoq.

Meeqqanik inuusuttunillu sakkortuumik sumiginnakkanik nalunaarutiginninnerit kommunit ajoraluartumik iliuuseqarfigisarsimanngikkaat, pisunilu aalajangersimasuni inatsisinik unioqqutitsisoqarsimasoq, nakkutilliiartornerit ilaatigut takutippaat.

Taamaammat ataatsimiititaliap piumasaraa, Kommuneqarfik Sermersuumi Kommune Kujallermilu piaarnerpaamik nakkutilliiartortoqassasoq.

Aamma ajornartorsiutit anigorniaraanni aningaasat amerlanerusut oqartussaasullu assiggiinngitsut qaninnerusumik suleqatigiinissaat pisariaqartoq, atatsimiititaliaq isumaqarpoq.

- Kommunit kisimiillutik, Inatsisartut kisimiillutik imaluuniit ilaqutariinermut peqqissutsimullu naalakkersuisoq kisimiilluni suliassaq una naammassisinnaanngilaat. Taamaammat suleqatigiittoqarnissaa qulakkeertariaqarparput, uaugullu uannga suliaqarneq qanittuaqqamik malinnaaffigisavarput, Tillie Martinussen oqarpoq.

Aningaasalli suminngaaniissanersut oqaatigisinnaangilaa:

- Naalakkersuisoqarfiit ataatsimiititaliallu akimorlugit misissorniarsaraarput, meeqqammi  inuusuttuaqqallu uani pivagut. Meqqat namminneq oqaseqarsinnaanngillat, tassalu aningaasat nassaarisariiinnartariaqarpagut sulisussallu nassaariinnartariaqarlugit. Aaqqiissutissarsiorluta maannakkorpiaq suleruluppugut., ataatsimiitialiap siulittasua oqarpoq

Martha Lund Olsenip ajornartorsiut aamma eqqumaffigaa, taassumalu maannamut aaqqissutissaraa, qitiusumiit siunnersuisartoqatigiinnik pilersitsinissaq, taakkua angalasassallutik, kommunini meeqqanik inuusuttunillu sullissisut suliaat ikilisariartorlugit.

Aningaasaqarnermut atatsimiititalimii ilaqutariinnermullu ataatsimititaliamiit immikkut akuerineqaqqammerpoq, immikkut siunnersuisarfimmik pillersitsinissarput. Tassa ungasinngitsumi aningaasat qulakkeeriaratsigit pilersissavarput.

Naalakkersuisoq aperaarput, taanna naammannersoq:

- Tassa aallaqqaammut taanna iliuusissaavoq, aamma kommunini sulisut iluarisimaarpaat. taamaattumik iluaqutaalluarnissaa naatsersuutigivarput, Martha Lund Olsen akivoq.

Angalasartussanik immikkut siunnersuisarfeqalernissaa ilaqutariinnermut peqqissutsimullu atatsimiititaliap tapersersorpaa.

Taannali naammassorinngilaat.

- Meeqqat inuusuttuaqqallu eqqarsaatigalugit isumaginninnikkut maannakkorpiaq ima ajornartorsiuteqartigaagut, immikkut siunnersuisartunik pilersitsineq ataaavartumik aaqqiinissamut siullertut alloriarnerinnaasinnaalluni, Tillie Martinussen oqarpoq.

Kommuninik nakkutilliiartortarnerit maannakkutut isikkoqartillugu qinigaaffiusup iluani, tassalu ukiut sisamat iluanni, minnerpaamik ataasiarluni naammassineqartartussaapput

- Naalakkersuisut nakkutilliiartukulanerusunissaq immikkut peqqutissaqartinngippassuk.

- Nalunanngilarlu, nakkutilliiartornermi qulaajarneqarsimasut ilumut iliuuseqarfigineqarnersut malittareqqissaarneqartariaqarput, ataatsimiititaliap siulitatasua oqarpoq.