Nick Nielsenip Siumumi siulittaasunngornissaanut tapersiisut
Taakku Naalakkersuisunut ilaasortaasimasup oqariartuutigisartagai ilaatigut taakkartorpaat, soorlu EU-p qaninnerusumik suleqatiginissaa - allaallu nunatsinnut iluaqutaasussatut isigisaminik tassunga ilaasortanngorsinnaanera pillugu innuttaasut oqallinnissaat kissaatigalugu.
AAMMA ATUARUK Ilisimasalik: Siumumi siulittaasunngorniunnermi sassartut ilaat immikkut allaanerussuteqarpoq
Nick Nielsenip angallannermi assartuinermilu eqaallisaanissamik nutaamik eqqarsarluni isummersortarnera, kiisalu kalaallisut oqaatsitta kinaassusittalu nukittorsarneqarnissaannik anguniagai, Jens-Erik Kirkegaardip Peter Davidsen tapersersornartippaat.
AAMMA ATUARUK VIDEO Nick Nielsen Siumumi siulittaasussatut sassarpoq
Aammattaaq Nick Nielsenip nunarsuarmi qaqqat portunersaat kalaallini siullersaalluni, kisiartaagallarlunilu, qaqinikuugaa eqqaavaat.
- Angusaq imaannaanngitsoq, aatsaat suleqateqarluni pilersaarusiorluarnikkut anguneqarsinnaasoq, kisianni aamma angisuumik takorluuisinnaassusermik takutitsisoq. Taakku angusat takutippaat Siumumi siuttuunissaminut piukkunnassuseqartoq, Siumukkormiut marluk taama isumaqarput, aammalu Siumumi kinguaariit nikinnissaannut piffissanngortoq oqaatigalugu.
AAMMA ATUARUK Nick Nielsen Siumumi siulittaasussatut sassarpoq