Ritzau Nunanit allanit

New Zealandimi inunnik 50-inik toqutsisutut 39-nillu toqutseriartutut pasineqartoq

New Zealandimi muslimit oqaluffiannut saassussisoqarneranut tunngatillugu inunnik 50-inik toqutsisimasutut inunnillu 39-nik toqutseriarsimasutut pasisaasoq aqagu tallimanngornermi aappassaaneerluni eqqartuunneqassaaq.

Allattoq Ritzau

apriilip 04-at 2019 09:04

Nutserisoq Marie Kûitse Kristensen

New Zealandip politiivi, nutaarsiassaqartitsivimmut AP-mut taama nalunaaruteqarput.

Pasineqartoq 28-nik ukiulik eqqartuussinermi siullermi taamaallaat inummik ataatsimik toqutsisimasutut unnerluutigineqaraluarpoq. Aqaguli eqqartuussaalerpat politiit unneerluussutinik arlalinnik apuussiniarput.

- Angut Christchurchimi eqqartuussiviit qullersaanni eqqartuunneqalerpat inunnik 50-inik toqutsisimasutut 29-nillu toqutseriarsimasutut unnerluutigineqassaaq, politiit nalunaarput.

AAMMA ATUARUK New Zealandimi saassussineq peqqarniisaarniarnerusoq

Angut Christchurchimi muslimit oqaluffiannut marsip 15-iani saassussimmat inuit 50-it inuunertik annaavaat amerlaqataallu aamma aallaaneqarlutik.

Pinerluttoq toqoraanermi nalaani filmiliorpoq, filmilianilu attaveqaqatigiittarfikkut facebookkikkut siaruaassorlugu.

28-nik ukiulik pinerlunnermini kisermiaassivoq.

/ritzau/