Ritzau Nunanit allanit

New Zealandimi saassussineq peqqarniisaarniarnerusoq

New Zealandimi musliimit naalaffiinut moskénut marlunnut aallaasersorluni saassussisoqarnerani inuit 49 toqutaapput arlalissuillu ikiligaallutik. Saassussisoqarneranut, premierministerimit peqqarniisaarniarnertut taaneqartumut atatillugu, inuit sisamat tigusarineqarput.
Al-Noor, 2006 Assi © : Abdullah@xtra.co.nz [Public domain]
Allattoq Ritzau, Bikki P. Kleist
marsip 15-at 2019 07:35

New Zealandimi illoqarfimmi Christchurchimi moskemik saassussisoqarnerani inuit ikinnerpaamik 49-t toqutaapput inuillu arlallit ikilerneqarlutik. 

Saassussisoq qinusarfimmut moskémut iseriarluni inuit tungaanut eqqarpoq, qinusarfimmilu allami aallaasersorluni aamma saassussisoqarsimasoq nalunaarutigineqarpoq.

Inuit sisamat politiinit tigusarineqarsimasut nalunaarutigineqarpoq arnaq angutillu pingasut tigusarineqarsimapput.

Angut 20-t sinnerlugit ukiulik toqutsimasutut pasineqartoq eqqartuussivimmi aqagu sassatinneqassaaq.

Saassussisullu sinneri pingasut sakkoqarsimasut saassussinermut attuumanersut politiit maannamut oqaatigisinnaanngilaat. 

Saassussineq pilersaarusiorluagaasimavoq.

New Zealandimi Premierminister Jacinda Ardern oqarpoq saassussineq peqqarniisaarnerusoq, saassussisullu ingasaassiniaanerarlugit. 
 

Aamma atuaruk

Ritzau

EU-p siuttuisa Israelip aaqqiagiinngissutsinik sakkortusiartortitsinnginnissaanik kaammattoraat

Ritzau

Kangia Qiterlermi illoqarfissuarmi Dubaimi siallingaatsiartoq

Ritzau

USA Iranimut pillaatitut iliuutsinik atuutilersitsiniartoq