Netflix perngaammik oscarinnanniunnermut innersuunneqartoq

Isiginnaagassiaq “Roma” Alfonso Cuarónimit ilitsersorneqartoq Netflixip suliarititaa, nersornaasiuttakkanut assigiinngitsunut qulinut piukkunneqartunut ilaasoq marlunngornermi suaarutigineqarpoq.

Tamanna Netflixip ilisimaneqarneranut allannguisinnaasoq, Jyllands-Postenip isiginnaagassianik naliliisartua, Dansk Filmkritikeremilu siulittaasoq, Nanna Frank isumaqarpoq.

- Ilitsersuisartup Alfonso Cuaronip Netfliximut ilanngunnera iluatsitsilluarnerujussuuvoq. Siullertut taanna filmitsialannik suliaqartarpoq, Netfliximullu isiginnaagassiorsinananerata Netflixip filmiliortartut silarsuaanni pingaarutilittut inissisimaleriartorneranut ersersitsivoq.

- Arlaata Netflix aaliikkutassianik isiginnaartarfittuinnaq isigiguniuk tamanna “Roma”-mit allanngortinneqarsinnaavoq, tassami taanna aliikkusersuutaallunilu eqqarsartitsisuummat, Nanna Frank oqarpoq.

Alfonso Cuarónip isiginnaagassiaa “Gravity” 2014-imi arfineq marlunnik oscarinnappoq. Cuarónilu uani aamma ilitsersuillaqqinnerpaatut aamma ilaatigut nersornaaserneqarluni.

2019-imi oscarimik nersornaasiinissamut 57-inik ukiulik Cuarón immikkoortuni ilitsersuillaqqinnerpaani, assiliillaqqinnarpaami immikkuullarissumillu manuskriptiginnerpaani aamma piukkunneqarpoq.

Mexicomiup ilitsersuisup isiginnaagassiami “Roma”-mi ilitsersuinini qanittumi Golden Globennassutigaa.

Isiginnaagassiamut "Roma"-mut ussassarut uani takusinanavat.