Nanortalimmi peqqissaavimmi piffissami inniminniisarfiup oqarasuaataa ajortoq
Nanortalimmi peqqissaaviup piffissamik inniminniinermut oqarasuaataa ajorpoq. Oqarasuaat sapaatip akunnera affaalu ajoquteqarpoq.
Nanortalimmi innuttasut nakorsamik pinasuartumik ikiorneqarnissartik pisariaqartinneqartikkunikku 61 32 11-mut sianissapput.
Allattoq Nicole Sander Bertelsen
marsip 05-at 2024 11:00
Nutserisoq Connie Fontain
Nanortalimmi peqqissaaviup piffissamik inniminniinermi oqarasuaataa februaarip 23-anili ajoquteqalerpoq.
Oqarasuaatip normua nalinginnaasoq 80 11 20 ajorpoq. Taamaammat nakorsamik pinasuartumik ikiorneqarnissaq pisariaqartinneqarpat 61 32 11-mut sianertoqassaaq.
Peqqinnissaqarfik allappoq, taakkulu oqarasuaatip sapaatip akunnerani ajornera sulilu ajoquteqarnera ajuusaarutigaat.
Peqqinnissaqarfiup oqarasuaatip normuata qaqugu aaqqinnissaa naatsorsuutigineqarnersoq paasissutissiissutiginngilaa.
Sapaatip akunnerata ataatsip ingerlanerani aappassaa ajutooqqasoqartoq
Aasianni napparsimmaviup oqarasuaatai mailialu sapaatip akunnerata siuliani aamma ajutooqqapput. Aasianni oqarasuaatit aaqqeqqereerput, ajutoorneranulli suna pissutaanersoq paasissutissiissutigineqanngilaq.
