Aasianni peqqinnissaqarfik attaveqaatitigut ajutooqqasoq
Nutarterneqarpoq nalunaaqutaq 14.48: Oqarasuaatit maililu aaqqeqqipput. Oqarasuaammut nalinginnaasumut 892211-mut sianersinnaaleqqipputit.
Aasianni innuttaasut napparsimmavimmut attaveqarsinnaanngikkallarput. Napparsimmaviup oqarasuaataa mailialuunniit attavigineqarsinnaanngilaq.
Napparsimmavik tusagassiuutinut nalunaarummi allappoq.
Attaveqaatitigut ajutoorneq pingasunngornermi ualikkulli aallartippoq.
Nakorsamit pinasuartumik ikiorneqartariaqaruit 56 07 52-imut sianissaatit.
Innuttaasut inuunermut pingaarutilimmik nakorsaatinik pisariaqartitsisut imaluunniit nakorsiartarfiliartariaqartut suli periarfissaqartut napparsimmavik paasissutissiivoq.
Ajutoorneq sumik pissuteqarnersoq piffissami matumani suli ilisimaneqanngilaq, misissorneqareerpalli innuttaasut ilisimatinneqarumaartut napparsimmavik allappoq.