Sorsunnermi tigusaasimasunik 200-nik ikinnerunngitsunik Rusland Ukrainelu ullumi paarlaasseqatigipput

Sorsunnermi tigusaasimasunik 200-nik ikinnerunngitsunik Rusland Ukrainelu ullumi paarlaasseqatigipput. Taama nalunaaruteqarpoq Ukrainep præsidentia, Volodymyr Zelenskyj.

Tamarmik sorsunnermi tigusaasimasunik 103-inik paarlaasseqatigiipput.

Ukrainep præsidentia inuit allaqatiigiittarfianni X-imi allappoq sakkutuuinnaat 82-it aamma sergentit naalakkallu 21-it Ruslandimeersut iperagaasimasut.

-Nunaqativut angerlarput. Iluatsilluartumik sakkutuut 103-it russinit tigusaaqqasimasut maanna Ukrainiliartippavut.

Nunani taakkunani ullut marluinnaat ingerlaneranni sorsunnermi tigusaasunik paarlaaqatigiittoqarpoq. Sapaatip akunneri pingasut matuma siorna tigusanik aamma paarlaaqatigiittoqarpoq.

Tallimanngormat Zelenskyj nalunaaruteqarpoq sakkutuut ukrainemiut 49-it Ruslandimiit iperagaasut. Sapaatip akunneri pingasut matuma siorna Ukraine Ruslandilu sakkutuunik tigusaasimasunik immikkut 115-inik paarlaaqatigiipput.

Russit tigusat Belarusimut aallartinneqarput

Russit sakkutuui 103-isut Belarusimut, Ruslandimik iliusumut ullumi aniguisinneqarput.

Ruslandimi illersornissamut ministeriaqarfimmiit oqaatigineqarpoq russit sakkutuui ukrainemiit aniguisinneqartut aggustimi ukrainemiut Kurskimi saassussimmata tigusaasimasut.

Ukrainep kangiani russit siuariartornerannut unikaallatsitsisussatut Ruslandimut saassussinermikkut Ukrainep neriuutigisimavaa.

Kurskemi Ukrainemiut sakkutuuisa russit sakkutuui tigusarisimavaat, taakkulu Ukrainemiut paarlaaqatigiinnissamut atugassaasut præsident Zelenskyp oqaatigaa.

Emiratit Araberit Kattuttut isumaqatiginniartuusimanerannik ministeriaqarfiup qutsavigai.

/ritzau/AFP