Aningaasaqarnermut Siunnersuisoqatigiit: Namminersortunut aningaasaliineq amigartooruteqarnerup annikillisinneqarnissaanut aqqutissaavoq
Marlunngormat aningaasaqarnermut naalakkersuisup Naaja Nathanielsen-ip (IA) ukiup tullianut aningasaqarnermut inatsisissamut naalakkersuisut siunnersuutaat saqqummiuppaa.
Aningaasaqarnermut Siunnersuisoqatigiit siulittaasuata Torben M. Andersen-ip maluginiagaasa ilagaat pisortaqarfinni sulisut amerliartornerat unitsinniarlugu misiliisoqarnera:
- Pingaarutilik – oqarsinnaavugut nalerarineqarsinnaasoq – tassaavoq pisortat namminersortullu sulisoqarnerisa imminnut oqimaaqatigiinnerisa allanngortinnissaat. Namminersortut sulisoqarnerat annerusariaqarpoq. Unammilligassanut angisuunut marlunnut atatillugu isigisariaqarpoq, oqarpoq.
Unammilligassat Torben M. Andersen-ip eqqartugai tassaapput inuiaqatigiit ineriartornerat aamma naalagaaffimmit tapiissutinik atorfissaqartitsineq.
Utoqqaat sulinngitsut, taamalu akileraarutinnut akiliineq ajortut, amerliartorput. Aningaasaqarnikkut immikkut ilisimassallit arlallit taanna taasarpaat "dødens gab" (“toqup qanersua”).
”Avataaniit ikiorneqarnissamik” pisariaqartitsinermut kattullugu, tassa sulisut pillugit, Kalaallit Nunaata aningaasaqarnera qajannarsissaaq – pingaartumik siunissami.
Aningaasartuutit isertitanit amerlanerulerput
Tusagassiortunik ataatsimiititsinermi aamma Naaja Nathanielsenip graf-i saqqummiuppaa takutitsiviusoq pisortat aningaasartuutaasa isertitat 2028-mi qaangissagaat.
Graf-ilu taanna aamma ineriartorneq immikkut eqqumaffigisariaqarput, Torben M. Andersen isumaqarpoq:
- Ilungersunaqaarmi takutinneqarmat ullumikkut periaaseq akileraarusiisarnikkut isertitanit aningaasalerneqarsinnaanngitsoq. Taamaattumik kigaatsumik - kisianni tassa malunnaqisumik – aningaasartuutit isertitanit amerlanerulissapput, oqarpoq nangillunilu:
- Soorunami ataannarsinnaanngilaq. Ukioq ataaseq marlulluunniit amigartooruteqartoqarsinnaavoq, kisianni ataavartumik amigartooruteqarneq soorunami attanneqarsinnaanngilaq, tassami akiligassarpassuaqalertoqartussaammat kinguaanullu akiligassiilluni. Taamaattumik unammilligassaq taanna iliuuseqarfigineqartariaqarluinnarpoq.
Aningaasat namminersortunit pilersinneqassapput
Torben M. Andersenilu naapertorlugu akissutissaq namminersortut suliffeqarfeqarfianniippoq. Aningaasat amerliartortinnissaat sulissutigalugu, taamalu pisortanut isertitassat amerlanerulersillugit.
- Tunngavimmigummi isertitaqarnissamut tunngavissaqartariaqarpoq, pisortat aningaasartuutaannut aningaasaliisinnaasunik. Taamatumatigut namminersortoqarfik annertunerusoq pisariaqartinneqarpoq. Taamaanngippat akileraarutinut akiliutit qaffattorujussuussapput. Namminersortunik suliffeqarfeqarfik annertunerusoq pilersittariaqarpoq, taamalu aningaasaqarneq tamatigoornerusoq aamma qajannaannerusoq, oqarpoq.
Taamaattumik iliuuseqarnissaq pingaaruteqarpoq. Kalaallit politikerii suliniutinik aallartitsisariaqarput ajornartorsiutinut massakkut atorneqarsinnaasunik.
Torben M. Andersenilu naapertorlugu akissutissaq namminersortut suliffeqarfeqarfianniippoq. Aningaasat amerliartortinnissaat sulissutigalugu, taamalu pisortanut isertitassat amerlanerulersillugit.
- Tunngavimmigummi isertitaqarnissamut tunngavissaqartariaqarpoq, pisortat aningaasartuutaannut aningaasaliisinnaasunik. Taamatumatigut namminersortoqarfik annertunerusoq pisariaqartinneqarpoq. Taamaanngippat akileraarutinut akiliutit qaffattorujussuussapput. Namminersortunik suliffeqarfeqarfik annertunerusoq pilersittariaqarpoq, taamalu aningaasaqarneq tamatigoornerusoq aamma qajannaannerusoq, oqarpoq.
Taamaattumik iliuuseqarnissaq pingaaruteqarpoq. Kalaallit politikerii suliniutinik aallartitsisariaqarput ajornartorsiutinut massakkut atorneqarsinnaasunik.
