Politiit blok 5-imi toqutsisoqarneranit: Tusatsiakkanik ingerlatitseqqiineq kusanaappoq
Elias Olsen 20-inik ukiulik, toqungasoq nassaarineqaqqammerpoq, susoqarsimasoruna?
Tamanna amerlasuunit paaserusunneqarpoq, taamaattumik oqaluuserineqarneranik aamma pilersitsivoq, oktoberip ulluisa sisamaanni ullaarngani toqungasoq nassaarineqarmalli.
Isummersornerillu amerlapput. Tusatsiakkallu ilagaat, toqutsineq pinerlunnianut bandinut attuumassuteqartoq, taamannali ilumuunngitsuusoq politiit pisortaata Bjørn Tegner Bayip erseqqissaatigivaa:
-Suliaq pillugu oqaaseqassanngilanga. Kisianni tusatsiagaq taannarpiaq ilumuunngitsoq oqaatigisinnaavara. Blok 5-imi toqutsineq pinerlunnianut bandinut attuumassuteqanngilaq, taanna oqarpoq.
Aammalu tamakkiisumik isigalugu tusatsiakkat unitsinneqarnissaat sakkortuumik kaammattuutigivaa.
Soqutiginnittoqarnera naliginnaasuuvoq
- Misissuinerput sunnerneqartikkumanangu oqaluuserineqartut tamaasa isummerfigisinnaanngilagut. Tamaamaattorli angerlarsimaffinni kaffisoqatigiinnermi nereqatigiinnermiluunnit tusatsiakkanik ingerlatitseqqiinerit unitsinneqarnissaat kaammattuutigivara, taanna oqarpoq.
Politiit pisortaata paasisinnaavaa inuit eqqartuisarnerat, tassami soorunami toqutsinermut suliaq inunnit soqutigineqarpoq. Kisianni tusatsiakkanik oqalunnissaq ilaqutaasunut inniminniinneruvoq, taanna oqarpoq.
Politimesterip paasisinnaavaa inuit eqqartuisarnerat, tassami soorunami pinerluut inuit soqutigisaraat, taanna oqarpoq. Kisianni pineqartut tusatsiakkanik aallartitsinissaat innersuussutigineqanngilaq.
-Qanoq pisoqarsimaneranik eqqoriaallutik oqaluttut, taakku namminneq nalunngilaat pisumut eqqoriaaginnarlutik. Taamalu iliortoqarnera paasisinnaanngilara, taanna oqarpoq.
Eqqugaasup aqqanik taasineq naliginnaasuunngilaq
Tusatsiakkanik siammarterinerup tunuliaqutaa alla tassaavoq, pisariaqanngitsumik toqqissisimajunnaarsitsineq.
Tusatsiakkat politiit sulinerannut sunniuteqasanngillat - kisiannili tusatsiakkat tamanut ammasumik uppernarsartariaqarpata, tamanna misissuinermut sunniuteqassaaq, Bjørn Tegner Bay erseqqissaavoq.
Taamaattumillu politiit paasissutissaatitik tamanut ammatinngikkallarpaat.
Taamaakkaluartorli blok 5-imi suliami toqutsinermik mississuinermi politiit immikkuullarissumik iliuuseqarput. Sapaatip akunnerani kingullermi toqutaasup kinaassusia politiinit saqqummiunneqarpoq.
-Taamaaliornitsinni toqutsineq sioqqullugu toqunneqartup ingerlaarsimanera erseqqissarniarlugu soqutiginninnerput pissutaavoq. Aammalu suliap qanoq ittuunera pissutaalluuni inuiaqatigiinnut eqqugaasup kinaassusiata oqaatiginissaa pisariaqarpoq, taanna oqarpoq.
Taamaattoqartillugu eqqugaasumut qanigisaasut ilisimatinneqaqqaartarput.
Tusatsiakkallu uterfigeqqillugit.
-Eqqartukkat pillugit qularuteqanngikkaanni, pisimasoq piviusutut kaffisorujoornermi oqaatigisinnaallugu, taava isumaqarpunga politeeqarfimmut ingerlaqqittariaqartoq ilisimasarlu politiinut oqaluttuaralugu, politiit pisortaat oqarpoq.
Aammalu taamaanngippat oqaaseqarnissaq pisariaqanngilaq, taanna oqarpoq.