Blok 5-imi toqutsineq: Politiit innuttaasunik suli ikiortissarsiorput
20-nik ukiulik Elias Olsen oktobarip aappaata oktobarillu sisamaata akornanni sulerisimanersoq nalunngiliuk?
Taamaappat Kalaallit Nunaanni Politiit tusarfigerusuppaatsit. Politiit Facebookimi taama nalunaaruteqarput.
Pineqartoq tassaavoq blok 5-imi oktobarip sisamaanni toqungasoq nassaarineqartoq.
Angutip 20-nik ukiullip susimaneranik ilisimasaqaraanni politiinut sianernerup saniatigut, oktoberip aappaanit sisamaata tungaanut nakkutiginnilluni filmiuutinit immiussaateqaruit paarineqarnissaat politiinit kajumissaarutigineqarpoq.
- Nakkutiginnilluni filmiliuutini immiussat nalornissutigigaanni immiussat toqqorneqassapput, politiit allapput.
Marluk tigummigallagaasut
Misissuinermut tunngatillugu angutit marluk toqutsisimasutut pasineqartut politiinit tigusarineqarput. Aappaa 25-nik ukioqarpoq, angutillu toungasup nassaarineqarnerata aqaguani unnukkut tigusarineqarpoq. Aappaa 41-nik ukioqarpoq, taannalu sapaatip-akunnera ataaseq qaangiummat tigusarineqarluni.
Paasissutissanik politiit misissuinerannut iluaqutaasinnaasunik ilisimasaqaruit Kalaallit Nunaanni Politiinut saaffiginneqquneqarputit uunga oqarasuaammut 70 14 48.
