Takornariarpassuaqalernissaa: Ilulissani unnuiffissat susoqaraluarpalluunniit amigaataalissasut

Ilulissani sanaartortoqangaatsianngippat unnuiffissat neriniartarfiillu takornariaqarnerulerpat amigaataalissasut, takorarialeriffiup misissuinerani nutaami paasinarsivoq.

Allattoq Nicole Sander Bertelsen

oktobarip 25-at 2024 14:31

Nunatsinni illoqarfinni nunaqarfinnilu takornariaqarnerulissangatitsineq nuannerpalussinnaavoq.

Tamannali aamma illuatungeqarpoq. Ilulissanummi takornariartartut amerlippata unnuiffiusinnaasut qanorluunniit ilioraluaraanni amigaataalissasut, Visit Greenlandip qanoq amerlatigisunik sullisisinnaanermik misissuinerata nutaap takutippaa.

Aamma atuarukMisissuineq nutaaq: Nuuk unnuisarfinnik 2027-mi amigaateqalissaaq

Ajornartorsiullu mittarfissuassaq 2026-mi ammarpat malunnarsissasoq, misissuinermi inerniliunneqarpoq.

Ilimagisat assigiinngitsut marluk Visit Greenlandip misissuinermini aallaavigai.

Ilimagisami siullermi takornariat 2026-p tungaanut unnuiffissarsiornerisa 150 procentimik amerleriarnissaat aallaaviuvoq, ilimagisallu aappaani 2026-p tungaanut 100 procentimik amerleriarnissaat aallaaviulluni.

Amerleriaat 150 procentiussappat ima pisoqassaaq:

Takornariaqarnerpaaffimmi inissat 190-it 2026-nnguinnartoq amigaataalissapput.

Ukiumut amerleriaatit 2026-miit 2031-it tungaanut assigiinngitsut procentinngorlugit aamma misissorneqarput.

Amerleriaat ukiumut 5 procentiuppat, inissat 399-it 2031-mi amigaataalissapput.

Amerleriaat ukiumut 10 procentiuppat, inissat 651-it 2031-mi amigaataalissapput.

Amerleriaat ukiumut 15 procentiuppat, inissat 954-it 2026-nnguinnartoq amigaataalissapput.

Amerleriaat 100 procentiussappat ima pisoqassaaq:

Takornariaqarnerpaaffimmi inissat 62-it 2026-nnguinnartoq amigaataalissapput.

Ukiumut amerleriaatit 2026-miit 2031-it tungaanut assigiinngitsut procentinngorlugit aamma misissorneqarput.

Amerleriaat ukiumut 5 procentiuppat, inissat 235-it 2031-mi amigaataalissapput.

Amerleriaat ukiumut 10 procentiuppat, inissat 651-it 2031-mi amigaataalissapput.

Amerleriaat ukiumut 15 procentiuppat, inissat 696-it 2026-nnguinnartoq amigaataalissapput.

Allisiguk

Neriniartarfiittaaq amigaataalissasut

Sanaartortoqangaatsialinngippallu illoqarfimmi neriniartarfiit aamma ulikkaartaalissasut, misissuinermi atuarneqarsinnaavoq.

Aamma atuarukAkunnittarfiit sutorniartarfiillu amerlanerusut? Nuummi takornariaqarnerulernera pissutigalugu isumaliutiginnilluartoqartariaqartoq

´Naatsorsuutigineqarpoq unnuiffissarsiortut amerleriarnerattut neriniarfissarsiortut amerleriassasut, taamaattumillu neriniarfissat naammattumik amerlineqarsimanngippata amerliartorfissatut ilimagisaasuni tamani 2026 nalliinnartoq neriniarfissat malunnartumik sunnerneqarumaartut´, misissuinermi taama allaqqavoq.

Nutaarsiassami kukkunermik nassaarsimaguit uunga allaffigineqarsinnaavugut.

Sammisaq: Takornariaqarneq

Takornariarpassuaqalernissaa: Ilulissani unnuiffissat susoqaraluarpalluunniit amigaataalissasut

Neriniartarfiittaaq amigaataalissasut

Aamma atuaruk