Asii Chemnitz NarupAssi: Jonas Fievé/KNR

Asii: Namminersorlutik Oqartussat pisariaqartippagut

Namminersorlutik Oqartussat atorunnaarsinneqarnissaannik Dansk Folkeparti sinnerlugu Folketingimut ilaasortap Søren Espersenip oqaasii Kommuneqarfik Sermersuup borgmesteriata Asii Chemnitz Narupip maanna akuliuffigai, Namminersorlutik Oqartussat atorunnaarsinneqarnissaannik oqalunnerup unitsinneqarnissaa kissaatigalugu.

Asii Chemnitz Narup aviisimi Politikenimi allaatigisaqarnermini taama ilaatigut oqarpoq.

 Namminersorlutik Oqartussat atorunnaarsinneqartariaqartut, oqaluttuarisaanermik ilisimatusarsimasup, Ilisimatusarfimmilu lektoriusimasup Thorkild Kjærgaardip siorna juullinngitsiartoq oqaatigaa, Dansk Folkepartilu sinnerlugu Folketingimut ilaasortamit Søren Espersenimit, partiip taassuma Kalaallit Nunaannut tunngasunut oqaaseqartuutigisumit, ilalerneqarluni.

- Inuiaqatigiit kalaallit tamanut iluaqutaasussamik nuannaarutaasussamillu ineriartortinnissaannut atorneqarsimanngillat, inuiaassutsimulli tunngasumik "kalaalinngorsaanissamut" atorneqarsimallutik, Thorkild Kjærgaard oqarpoq, Namminersorlutillu Oqartussat atorunnaarsinneqartariaqarnerannik siunnersuuteqarluni.

AAMMA ATUARUK Namminersorlutik Oqartussat Danmarkip atorunnaarsittariaqarpai

Siunnersuulli isumassarsiatsialaanngitsoq Asii Chemnitz Narupip oqaatigaa.

Kalaallit Nunaanni unammilligassarpassuaqartoq erseqqissaatigaa, nunallu naalagaaffinngortussatut sanarfineqarnera ilanngullugu oqaatigalugu.

AAMMA ATUARUK Espersen: Kalaallit politikerii namminiilivinnissamit tappiillisinneqaqqapput

- Kialluunniit silatusaartup tamanna isumassarsiatsialaanngitsoq takusinnaavaa. Kjærgaardip Espersnillu sianiilliornerinnaanngilaq - taamaliortoqarneralu naleqqutinngilluinnarpoq, Asii Chemnitz Narup Politikenimi allaaserisamini ilaatigut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat