Taksøep nalunaarusiaa Kaammattuutigineqartut ICC-p nuannaarutigigai

Taksøep nalunaarusiaa, Naalagaaffeqatigiit siunissami nunanut allanut politikkissaannut kaammattuuteqarfiusoq, danskit aallartitaannit Peter Taksøe-Jensenimit danskit nunanut allanut ministereqarfianni maajip aappaani saqqummiunneqarmalli Nunatsinni oqallisaangaatsiarpoq.

ICC Kalaallit Nunaat tusagassiorfinnut nalunaaruteqarluni allappoq, nalunaarusiami allaaserineqartut Nunatsinni innuttaasunut attuumassuteqartut kattuffiup immikkut soqutiginartutut isigalugit maluginiarsimagai.

Aamma atuaruk Issittoq pillugu Nunarput nammineq periusissiortariaqarpoq

ICC Kalaallit Nunaata Taksøep nalunaarusiaani immikkoortut marluk matumani immikkut taavai. Sermip aakkiartornerata malitsigisaanik aningaasarsiornikkut ineriartortitsinissamut periarfissat Peter Taksøe-Jensenip immikkoortumi siullermi immikkut taavai, immikkoortullu aappaa, pisinnaatitaaffiit pillugit suliaqarnerup nukittorsarneqarnissaanut tunngassuteqarpoq - nunat inoqqaavisa pisinnaatitaaffii ilanngullugit.

ICC Kalaallit Nunaanni siulittaasup Hjalmar Dahlip tusagassiorfinnut nalunaaruteqarluni oqaatigaa, taamatut eqqarsaatersuutinik saqqummiisoqarnera Kalaallit Nunaanni ICC-mit tikilluaqquneqartoq.

Erseqqissaatigalugu Taksøep nalunaarusiaa atorfilittat nalilersuinerminnik isummersuutiminnillu saqqummiussinerigaat, taamaammallu Naalagaaffeqatigiinni nunat ataasiakkaat akornanni naalakkersuinikkut siunnerfissanik anguniakkanillu tigussaasunik inaarsaanissaq siunertaralugu naalakkersuinikkut sulilernissaq aallartittariaqartoq.

Aamma atuaruk Nunatta sammineqarnerunissaa Justusip ujartorpaa

Aamma atuaruk Savalimmiut nunanut allanut tunngasumik namminneq nalunaarusiorusupput