Naligiinnerunissaq IA-mut pingaaruteqarpoq
Inuit Ataqatigiit ileqquusumik ataatsimeersuarnerat Ilulissani sapaatip akunnerata naanerani ingerlanneqarpoq.
Namminiilivinnissaq nunattalu aningaasatigut imminut napatinnissaa ataatsimeersuarnermi pingaarnertut oqaluuserineqarput.
- Inuit Ataqatigiit partiitut pilersinneqarmalli anguniakkatut tunngaviusimapput Kalaallit Nunaata namminiilivinnissaa aamma aningaasaqarnikkut imminut napitinnissaa, taakkuuppullu partiitsinni anguniartuaannakkavut sulilu anguniagaralutigit, taakkuuppullu Inuit Ataqatigiit inissisimanerannut tunngaviusut, Inuit Ataqatigiit siulittaasuat Sara Olsvig taama oqarpoq.
AAMMA ATUARUK Naalakkersuisoqatigiit nutaat 145 millionit koruuninik amigartooruteqarnissaq siunnerfigigaat
Tunngaviusumik inatsisiliornermi innuttaasut tamarmik peqataatinneqarnissaat ataatsimeersuarnermi pingaartinneqartoq Inuit Ataqatigiit siulittaasuata maluginiarpaa.
- Tunngaviusumik inatsisiliornermi tamanit peqataatitsinissaq, inoqatitsinnik ajattuinnginnissaq aamma piujuaannartitsinissaq, taakkualu isumaqarpunga pingaaruteqarluinnartuusut taakkualu ataatsimeersuarnermi sammineqarnerpaasunut ilaasut tusaasinnaavakka, Inuit Ataqatigiit siulittaasuat Sara Olsvig taama oqarpoq.
Aaqqissuusseqqinnermi naligiinnerulernissaq anguniarneqarpoq.
AAMMA ATUARUK Naalakkersuisooqatigiit nutaat ima akeqarput
- Akileraartarnikkut, pisortanit pisartagaqarnikkut ineqarnermullu tunngassuteqartut aaqqissuuteqqinneqarnerisigut naligiinnerunissaq anguniarneqassasoq ataatsimeersuarnermi pingaarutilittut oqaluuserineqarput, Inuit Ataqatigiit siulittaasuat Sara Olsvig Inuit Ataqatigiit Ilulissani ileqquusumik ataatsimeersuarneranni arfininngornermi KNR-imut taama oqarpoq.
