Naalakkersuisut: Pisasiiffiunngitsuni aalisartarunnaarnissaq kingunerluuteqarnavianngilaq
Umiatsiaararsorlutik aalisartut qaleralittarisartagaat allanngungaarnavianngillat, aamma naak naalakkersuisup pisassiiviunngitsut atorunnaarsinniaraluarai. Namminersorlutik oqartussat tusagassiortunut taama allapput.
AAMMA ATUARUK Siumumi qaleralinniarneq pillugu suli isumminngitsut
Avannaata Kommuniani aalisarnermut siunnersortip pisassiiviunngitsuni aalisartarunnaarnissap aalisartunut qanoq kinguneqarsinnaanera sisamanngornermi oqaatigaa.
- Tunisinermi akeq qiviaraanni, aalisartunut taakku atorunnaassappata aalisartut annaasassaat taamatut taalluaannarneqarsinnaavoq 78 mio. koruunit, Avannaata Kommuniani aalisarnermut tunngasunut ataqatigiissaarisoq,
Nikolai Jensen taama oqarpoq.
Namminersorlutik oqartussalli tassunga akerliullutik allapput.
AAMMA ATUARUK Pisassiiffiunngitsuni 78 millionit aalisarneqartut
Pisassiiviunngitsumi qalerallit 4.325 tonsit siorna aalisarneqarsimasut amerlanerpaartaat Upernavimmi pisassiiffiunngitsumi aalisarneqarput.
Upernavimmi pisassat siorna tamakkerlugit aalisarneqanngillat:
- 2018-imi pisassiiffiunngitsuni aalisartarfeqarsimasuunngippat 4.325 tonsit ilarujussui pisassiissutinut ilanngullugit aalisarneqarsimassagaluarput, taamaalilluni aalisanngitsuukkat ikinnerujussuussagaluarlutik, Namminersorlutik oqartussat tusagassiortinut taama allapput.
Grønlandsbanken sinerissap qanittuani aalisartunut atukkiisarunnaarniarluni nalunaaruteqareersorlu pisassiiffiunngitsunik aalisartarunnaarnissaq, Naalaakkersuisup nalunaarutigaa.
Aalisagaqassuseq aallavigalugu aalisartut amerlavallaarnerat pissutigalugu umiatsiaararsortunut atukkiisarunnaarniarluni aalajangernermini tunngavilersuutigaa.
AAMMA ATUARUK Aqutsiveqarfiit amerlanerit atulersinniarneqarput
Piujuartitsisoqassappat pisassat appartinneqartariaqartut
Sinerissap qanittuani qaleralinnik aalisartut biologit innersuussutaannut tulluussarnissaat aalisarnermut naalakkersuisoq Jens Immanuelsenip tusagassiortunut katersortitsinermini oqaatigaa.
Tamannali piviuunngortinneqassappat pisassat appartinneqangaatsiassapput, aalisartullu pisassai ikinnerulissallutik.
