Naalakkersuisut kommunini tamani katsorsaaviliorusuttut

Nunatsinni imigassamik atornerluisoqarmat atornerluisunik ikilisaaniarpoq.

- Katsorsagassat inuit amerlapput. Katsorsaanermi inatsisissami kommunit tamarmik katsorsaaveqalernissaannik tassani siunertarivarput, Peqqissutsimut Naalakkersuisoq, Agathe Fontain oqarpoq.

Atornerluisut siusissukkut paasineqartalernissaat Naalakkersuisut sulissutigaat, piaartumillu iliuuseqarfigineqartarnissaat aamma anguniarlugu. Katsorsaanermilu ilisimasanik katersuinissamut siunertaqarput. 

-  Katsorsaanerup pitsaassusaanik qaffatsitsinissamut aamma siunertaqarpoq. Ilisimasanillu katersuinissamut aamma siunertaqarluni. Ullumikkut naatsorsorneqarneq ajorput nalunaarsorneqaratillu iluatsittut iluatsinngitsullu qanoq amerlatigisarnersut.

Katsorsaanerli kisimi qaffassarneqarnianngilaq. 
Imigassamut atuinermut politikkeqalernissaq, soorlu imigassanik pilerisaaruteqartarunnaarnissaq. Meeqqallu neriniartarfinniit caféeniilluunniit piffissami aalajangersimasumi anereersimasarnissaat aamma peqqissutsimut naalakkersuisup siunnersuutiginiagaasa ilagaat. 
Imigassamillu atornerluinerit ikilisarniarneqassappata taamaattunik inatsiseqarnissaq pisariaqartoq, matumanilu nunani allani misilittakkat isumassarsiorfigineqassapput.

 
- Taakkua misissuinerit ilisimatusarnikkullu misissuinerit oqaatigisaat uagut kalaallit nunatsinnut nuullugit oqarsinnaasorinngilanga uagut kalaallit imernermut kakkangaaratta taakkua atorfissaqartinngilagut. Kisianni tusarnaartariaqarpagut, Naalakkersuisoq naggasiivoq.