Demokraatit: Naalakkersuisut innuttaasunik nakutitsipput
Naalakkersuisut tunngaviusumik inatsisiliornissaq pillugu isumalioqatigiissitaliornissamik siunnersuutaat Inatsisartuni arfininngormat siullermeerneqarpoq, ataasinngornermilu aappassaaneerneqartussaammat Inatsisartut siunnersuutip misissornissaanut sapaatit-akunnerata naanera taamaallaat periarfissaraat.
Siunnersuut Inatsisartuni oqaluuserineqarmat partiit naalakkersuisooqataasut Inuit Ataqatigiit, Siumut Partii Nalerarlu siunnersuummut isumaqataapput, Demokraatillu isorinnittupilussuullutik.
Aamma atuaruk 2017-imut aningaasanut inatsit Aningaasaqarnermut naalakkersuisup Inatsisartut eqqissisarai
Demokraatit isumaqarput nunarput aningaasatigut imminut napatissinnaanngitsillugu tunngaviusumik inatsisiliornermut aningaasanik atuineq asuliinnaassasoq.
- Naalakkersuisut siunnersuutigisaat kingulleq akuersissutigineqassappat ukiut tulliit sisamat 145 millionit koruuninik amigartooruteqarfiussapput. Taamaammat ukiorpassuit qaangiuppata aatsaat namminiilivittoqarsinnaassaaq, tamanna Demokraatit oqaaseqartartuata saqqummiussaani atuarneqarsinnaavoq.
Partiit illuatungiliuttuusut aappaata Atassutip siunnersuut taperserpaa, Demokraatillu taamaalillutik tunngaviusumik inatsisiliornissaq pillugu isumalioqatigiissitaliornissamik siunnersuutip itigartitsissutigineqarnissaa kisiartaallutik kissaatigaat.
Aamma atuaruk 2017-imut aningaasanut inatsit Naalakkersuisoqatigiit nutaat 145 millionit koruuninik amigartooruteqarnissaq siunnerfigigaat