- Aalisarnermik attuumassuteqartut Aalisarnermut ataatsimiititaliarsuarmi ilaasortaanissaat pingaaruteqarpoq aporaattoqarnissaa pingitsoortinniarlugu, Nikkulaat Jeremiassen oqarpoq.

Aalisarnermut ataatsimiititaliarsuaq Naalakkersuisut aporaattoqartitsinaveersaarniartut

​​​​​​​Aalisarnermut ataatsimiititaliarsuarmi aporaatilernissaq pinaveersaartinniarlugu aalisarnermut attuumassuteqartunik ilaasortaatitaqarnissaat Naalakkersuisut pingaartippaat, Aalisarnermut Naalakkersuisoq Nikkulaat Jeremiassen, oqarpoq.

Kattuffit aalisarnermut attuumassuteqartut tamarmik aalisarnermut ataatsimiitialiarsuarmi ilaasortaatitaqassapput. 

Taamaalillutik kilisaassuit avataasiortut, sinerissap qanittuani raajarniartartut akunnattumik angissusillit qaleralinniartartullu minnerusumik angallatillit isummaminnik saqqummiussisinnaassapput, aalisarnermut inatsisissami aalisarnermut tunngassuteqartorpassuit oqaasertalersornissaannut qulaajarneqarnissaannut inatsisissallu oqasertalesornissaanut, Nikkulaat Jeremiassen oqarpoq. 

- Taakkua tamarmik peqataatinneqarnissaat Naalakkersuisut pingaartissimavaat, taamaammallu inuttassai taamatut aaqqissuunneqarnikuupput,  Nikkulaat Jeremiassen taama oqarpoq.

AAMMA ATUARUK Aalisarneq pillugu ataatsimiititaliarsuaq akuerineqarpoq

Aalisarneq pillugu inatsit 2017-imi kingullermik nutarterniarneqaraluarpoq.

Paasissutissat:

  • Aalisarneq pillugu ataatsimiititaliarsuup suliassaraa ataatsimiititaliarsuarmut suliakkiutaasumi immikkoortut siunnersuutillu 24-t misissussallugit.
  • Ilaatigut Kitaani sinerissap qanittuanut avataanullu raajartassiissuteqartarneq allanngortillugu assigiimmik pisassiisalernikkut iluaqutissartaasinnaasut ajoqutaasinnaasullu misissorneqassaaq.
  • Ataatsimiititaliarsuup sulinera aalisarneq pillugu nutaamik inatsisiliortoqarneranik kinguneqartussaavoq.
  • Aalisarneq pillugu inatsit maanna atuuttoq 1996-imeersuuvoq, kingornalu 13-eriarlugu allanngortinneqarsimalluni.
  • Aalisarneq pillugu ataatsimiititaliarsuup suliani kingusinnerpaamik 2020-mi juunimi naammassereersimassavaa.
  • Aalisarneq pillugu ataatsimiititaliarsuarmut 2 millionit koruunit immikkoortinneqarput.
  • Ataatsimiititaliarsuaq aqqaneq-marlunnik ilaasortaqassaaq, taakkununnga ilaalluni ataatsimiititaliarsuarmi siulittaasoq Jens Paulsen.

Siunnersuut taamanikkut saqqummiunneqarmat, kilisaatit avataasiorlutik aalisartut annaasaqartussanngorput,  siunnersuutigineqartumi avataasiorlutik aamma sinerissap qanittuani raajarniartartut pisassaat assigiimmik aveqqissaarneqarnissaannik siunnersuutigineqarmat.  

Kisiani siunnersuut ukiakkut ataatsimiinnermi siullermeerlugu oqallisigineqarnerata kingorna suli suliarineqaqqinngitsoq, qinersisoqarpoq. 

AAMMA ATUARUK Aalisarnermut inatsit mittarfiillu kinguartinneqartussanngortut

Eqqartuussissutigoortitsinissamut siorasaarisut 

Tamatuma siorna aalisartitseqatigiiffiit angernerpaat arfinillit Namminersorlutik Oqartussat eqqartuussivimmut suliassanngortinnissaannut piareersimallutik 2017-imi septembarimi siorasaaruteqarput.

Taamatut sioorasaaruteqarnerminnut pisassiissutit piffissami killiligaanngitsut Naalakkersuisunit piffissami killiliganngortinniarneqarnerat tunngavilersuutigaat. 

- Taamaalilluta isumaqarpugut pigisamik pigiunnaarsitsinerussasoq, GE, allakkamini KNR-ip pissarsiarisimasaani taama allappoq.

Taamalu pisoqaqqinnissaa Naalakkersuisup pinngitsoortikkusuppaa.

AAMMA ATUARUK Aalisarneq pillugu ataatsimiititaliarsuaq pillugu Ilulissani isumasioqatigiittoqalersoq

 - Isumaqarpunga aporaattoqarnissaa pinngitsoorniarlugu, taamatut siamasissumik inuttalersuineq  pingaaruteqarluinnartuusoq, Aalisarnermut Piniarnermut Nunalerinermullu Naalakkersuisoq Nikkulaat Jeremiassen taama oqarpoq.

Aalisarnermut Ataatsimiititaliarsuarmi ilaasortat aqqaneq marluusussat  2019-mi marsimi inuttalersorneqassapput

Eqqartuussissuserisoq Jens Paulsen siulittaasuuvoq, taassumalu saniatigut ilaatigut aalisarnermi, inuussutissarsiornermi sulisullu kattuffii taavalu kommunit ilaasortaatitaqassapput.

Ataatsimiititaliarsuaq suliani pillugu isumaliutissiissummik kingusinnerpaamik 2020-imi junimi tunniussissaaq, ataatsimiititaliarsuulli pisariaqartippagu piffissaliussaq sivitsorneqarsinnaassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat