Naalakkersuisunngortitsiniarnermi toqqammavissat ullumi naammassissangatinneqarput

Naalakkersuisunngortitsiniarluni isumaqatigiinniarnerit ulloqeqqata siorna nalunaaqutaq aqqanernut nanginneqarput. Isumaqatigiinniartut naatsorsuutigaat ullumikkut politikkikkut toqqammavissat naammassineqarsinnaassasut.

Ippassaq isumaqatigiinniartut partiit meeqqanut innuusuttunullu tunngasut qineqqusaarnermi siunnersuutigineqarsimasut aningaasatigut annertussusissaat naatsorsorneqarnissaat pillugu partiinut tunuliaquttaminnut ataatsimeeqateqarnissaq siunertaralugu avissaarallarput.

Ilisimaneqartutut Siumup meeqqanut checki siunnersuutigaa, Inuit Ataqatigiit meeqqat atuarfiarfimmi nerisinneqartalernissaat siunnersuutigaat kiisalu Atassutip atuartut 9. klassimit tamarmik annigaasarsiaqartalernissaat siunnersuutigalugu.

Atassut sinnerlugu isumaqatigiinniaqataasoq Steffen Silassen ullaaq oqarpoq, isumaqatigiinniarnermi qineqqusaarnermi partiit tamarmik qineqqusaarutaat aallaavigineqartut, maannalu mikisualuit inissitassat sineruttut.

Steffen Silassen aamma oqarpoq, inuiaqatigiinni aaqqissuusseqqinnermut tunngasut annertuut, soorlu namminersulivinnissamut aamma eqqartuusiveqarnermut tunngasut ingerlaannarnissaat isumaqatigiissutigineqarsimasut; kisianni assigiimmik akeqartitsinermut atorunnaarsitsinermut tunngasoq 2006- ip ingerlanerani misissuiffigeqqinneqarlunilu nalileqqinneqassasoq isumaqatigiissutigineqarsimasoq.

-Inuiaqatigiinnut atugassarititaasut pitsanngorsarneqarnissaat anguniarlugu tamatta siunnerfeqarluta isumaqatigiinniarpugut pingaaruteqaqimmallu tuaviussinngilagut, Steffen Silassen nassuiaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat