Naalakkersuisoq Kinami imermik nioqquteqartalerniartoq
![Uummannap eqqaani sermeq iigartartoq](/sites/default/files/styles/image_934x467/public/user_pictures/TherkelsenLars_Ikerasak__sermeq_146.jpg?itok=WQ8fz4vo)
Sermimit iminngortup Kinami nioqqutissatsialaasinnaanera, Inuussutissarsiornermut naalakkersuisup Aqqalu Jeremiassenip oqaatigaa, Kinammi ilaatigut mingutsitsiffiunerujussua eqqarsaatigalugu sermimit iminngortoq puiaasanut maqillugu nioqqutissatsialaasoraa. Imeq puiaasamiittoq tunisaaleraluttuinnartoq kisitsisit takutippaat.
Erngullu nunatsinneersup nunarsuarmi minguinnersanut ilaanera periarfissatsialaavoq:
- Imeq minguitsorujussuuvoq, Aqqalu Jeremiassen Poltikenimut oqarpoq.
AAMMA ATUARUK Kielsenip nilak imerlu tunisassiaraluit misilittarniarai
GEUS-ip imeq nunatsinneersoq misissorsimavaa, erngullu minguitsuunissaanut EU-mi malittarisassat malillugit tunisassiortoqarsinnaasoq inerniliuppaat, Aqqalu Jeremiassen taama oqarpoq:
- Kinami illoqarfimmulluunniit ataatsimut tunisassiulersinnaagutta nunatsinni tunisassiornertut annertutigilinngikkuni annertunerulersinnaavoq, Inuussutissarsiornermut Nukissiuuteqarnermullu naalakkersuisoq Politikenimut oqarpoq.
Kinamut angalaneq inuussutissarsiornermi nittarsaassineruvoq, Kalaallit Nunaanni inuussutissarsiornermut suliassaqarfinnut assigiinngitsunut Kina-mi niuerfiit annertunerusumik ammaanneqarnissaannut iluaqutaasussaq.
AAMMA ATUARUK Apummit iminngortoq nunatsinni imartanut kingunerlussinnaasoq