Naalakkersuisooqatigiit illup iluani naatsiiveqarneq siuarsarniarpaat
Partiit sisamat Naalakkersuisooqatigiinnissamut isumaqatigiissutaat siammasippoq. Qulequtaaqqat 350 tigulaariffigigasanni Ilinniartitaaneq, aningaasaqarneq, aalisarneq inuussutissarsiuutilerinerit tassa ilamininngui.
Naalakkersuisooqatigiilertussat anguniagaasa ilagaat Nunatta innuttaasuinut nerisassanik nunatsinneersunik pilersornerulernissaat. Naalakkersuisooqatigiilertussat isumaqarput illup iluani naatsiivinnik pilersitsinikkut anguneqarsinnaasoq.
- Illoqarfinni anginerni ikuallaaveqarpoq kiassarnermik pilersuisunik, erngullu seqerngulluunniit nukinganik innaallagialiornerit atorluarlugit illup iluani naatsiivinnik pilersitsisoqartariaqartoq Naalakkersuisooqatigiit isumaqatigiissumminni allapput.
AAMMA ATUARUK Tuluit oqaasii nunatsinni takornartat oqaasiini salliutinneqassapput
Ilaatigut assartornermit nassiussinernullu akinik sipaarutaassapput, suliffissanik pilersitsissallutik kiisalu peqqinnarnerusumik nerisaqartitsissalluni.
-Taamaalilluta nassiussinerit akisoqisut akii sipaarfigissuagut, ukiakkullu sikusartoqarfinni nutaanik naatitaqartuaannalersinnaaneq pilersinneqassalluni. Imaappoq peqqinnartunik nerisaqarneq tamanut atuuttumik siuariartorfiusinnaanngorluni, minnerunngitsumik suliffissanik pilersitsissaaq aningaasallu nunatsinniiginnartoq amerlillugit, partiit sisamat oqariartuutaasa ilaat taamak nipeqarput.
AAMMA ATUARUK Illuatungiliuttut naalakkersuisoqatigiinnut sunniuteqarsinnaassapput
