Isumaqatigiissut: Naalagaaffiup Air Greenlandimik piginneqataassutai pisiarineqarsinnaasut

Naalagaaffiup Air Greenlandimut piginneqataassutaa Namminersorlutik Oqartussanit pisiarineqarsinnaasoq,

Nuummi Ilulissanilu mittarfiit tallilerneqarnissaannut atatillugu aningaasalersuinissami immikkoortumi ilaatinneqarpoq.

Taamaalilluni  Nuummi Ilulissanilu mittarfissanut aningaasalersiunissamut Nunatta Danmarkillu akornanni isumaqatigiissusiortoqarneratigut - Namminersorlutik Oqartussat Air Greenlandimi pingaarnertut piginneqataassuseqalissaaq.

Isumaqatigiissummi Kim Kielsenip Lars Løkke Rasmussenillu Nuummi ataasinngornermi atsiugaanni  tamanna saqqummiunneqarpoq.

AAMMA ATUARUK Air Greenlandip nunatsinnit tamakkiisumik pisiarineqarsinnaanini tapersersorpaa

Tassa naalagaaffiup Air Greenlandimut piginneqataassutsini 25 procentiusoq Namminersorlutik Oqartussanut pisiarineqarsinnaassasoq, Naalakkersuisut danskillu naalakkersuisuisa siunertaraat.

Namminersorlutik Oqartussat SAS-ilu tamarmik immikkut 37,5 procentimik piginneqataapput,
naalagaaffiullu 25 procentia piginneqataassutigisaa pisiarineqarpat Namminersorlutik Oqartussat 62,5 procentimik pingaarnertut piginneqataalissaaq.

AAMMA ATUARUK Air Greenland skal ejes helt af Grønland

AAMMA ATUARUK Demokraterne vil undersøge privatisering af Air Greenland