Naaja Nathanielsen Inuit Ataqatigiit sinnerlugit qinigassanngortittoq
Naaja Nathanielsen Inuit Ataqatigiinni ukiut tallimangajaat matuma siorna, tassa 2016-imi marsip ulluisa pingajuanni ilaasortaajunnaareerluni attaviitsooriarluni politikkimit tunuarpoq.
AAMMA ATUARUK Naaja Nathanielsen IA-mit tunuarpoq
Sivikitsuinnarmilli ilaasortaanngilaq, Naaja Nathanielsenimi Facebookikkut ima ilaatigut allappoq:
- Tunniussisariaqartutut maanna misigisimalluinnarpunga. Taamaammat Inatsisartunut qinigassanngortinniarlunga aalajangerpunga, Naaja Nathanielsen oqarpoq. Partiimi tassani 2016-imi ilaasortaajunnaarnera politikkikkut isummat assigiinngitsuunerannik peqquteqarani akueriuminaatsitannik aalajangiisoqarneranik peqquteqarpoq. Ilaasortaajunnaarnera ukiut arlallit matuma siorna qaangerpara.
Naaja Nathanielsen politikkimit ukiut tallimat matuma siorna tunuareerami, Kalaallit Nunaanni Pinerluttunik Isumaginnittoqarfimmi pisortanngorpoq.
AAMMA ATUARUK Naaja: IA-p isummani allanngorterujussuarpaa
Inuit Ataqatigiinniit attaviitsumut utimullu
Naaja Nathanielsen Inuit Ataqatigiit 2016-imimmarsip qaammataani ilaasortaajunnaarpoq. Partiimi aalajangiinerni tamakkiisumik peqataatinneqartarsimannginninni ilaatigut pissutigalugu taamaaliorpoq.
Danmarkip nunatsinnut ataatsimoortumik ukiumut tapiissutigisartagai ukiumut 10 millionit koruuninik ikilineqartalissasut, Inuit Ataqatigiit taamanikkut siulittaasuata, Sara Olsvigip, siunnersuutigaa.
Naaja Nathanielseni tamatumunnga akerliuvoq. Taannami IA sinnerlugu aningaasaqarnermut taamani oqaaseqartartuuvoq, partiimiiginnaraluarunilu tamanna unneqqaserlunnerusoraa. IA-mi taamanikkut ilaasortaajunnaarnera qaangereerpara, taanna oqarpoq:
- Tunniussisariaqartutut maanna misigisimalluinnarpunga. Taamaammat Inatsisartunut qinigassanngortinniarlunga aalajangerpunga, Naaja Nathanielsen oqarpoq. Partiimi tassani 2016-imi ilaasortaajunnaarnera politikkikkut isummat assigiinngitsuunerannik peqquteqarani akueriuminaatsitannik aalajangiisoqarneranik peqquteqarpoq. Ilaasortaajunnaarnera ukiut arlallit matuma siorna qaangerpara, aamma kommunalbestyrelsimut Inatsisartunullu Inuit Ataqatigiit sinnerlugit qinigassanngortinnissamut piukkunnarluartunut ilaanera nuannaarutigaara, taanna Facebookimi allappoq.
Nunarput qimaasunik tikisitsisalissasoq, Inuit Ataqatigiinni ilaasortaajunnaareerluni attaviitsutut Inatsisartuni ilaasortaanermini ilaatigut siunnersuutigaa. Siunnersuutaa Inatsisartut akuerinngilaat.
Politikkimit 2016-imi juunip qaammataani tunuarpoq. Kalaallit Nunaanni Pilerluttunik Isumaginnittoqarfimmi suli atorfigisaminik dronning Magrethemit tamatuma kingunitsianngua pisortanngortitaavoq. Inuit Ataqatigiinnili ilaasortanngoqqeqqammerpoq.
Naaja Nathanielsen Inatsisartuni 2009-mi perngaammik ilaasortanngorpoq.
Nunatsinni inunngorluni peroriartorpoq, tarnip pissusiinik ilisimasalittut Københavns Universitetimi ilinniarsimasuuvoq politikkimillu suliaqarnermi saniatigut Kommuneqarfik Sermersuumi, Dronning Ingridip Napparsimmavissuani Ilisimatusarfimmilu atorfeqarnikuuvoq.
