URANI Naaja: IA-p isummani allanngorterujussuarpaa

Naaja Nathanielsen, maanna ulluni tallimani attaviitsooreerluni, isumaqarpoq Inuit Ataqatigiit urani pillugu inuiaat taasitinneqarnissaannik isumaat allanngorsimasoq.

Inuit Ataqatigiit tusagassiorfinnut marlunngormat ilaatigut ima nalunaaruteqarput: 

- Inuiaat taasitinneqassappata taasinerup ilusissaa Inatsisartunit suliarineqassaaq.

aamma:

- Inuit Ataqatigiinni pingaartitarput tassaavoq inuit taasitinneqarnissaat, tamannalu upernaami ataatsimiinnermi aalajangiiffigisassatut siunnersuutigissavarput. Innuttaasut taasinerat soorunami ataqqissallutigu erseqqissumik oqaatigiuarparput.

Aamma atuaruk Naajap tunuarnerata kingorna IA mianersortumik akissuteqarpoq

Innutaasullu taasitinneqarnerisa inernera pituttuisuunissaa Naaja Nathanielsenimut pingaartuusimavoq. Taamaammallu taasititsinerup inernera siunnerfiliiginnarani Inuit Ataqatigiinniit ataqqineqassasoq, Naaja Nathanielsenimut nutaajuvoq.

- Tunuarnerma kingorna allatut isummertoqarsimavoq. Siulersuisuniillu aalajangiisoqarsimassaaq, Naaja Nathanielsen oqarpoq nangillunilu:

- Tamanna isummamik allannguinertut paasivara, innuttaasullu taasinerat ataqqineqarpalunniarpoq, tamannalu ajunngilluinnarpoq. Inuilli Ataqatigiit siulittaasuata Sara Olsvigip sapaatit-akunnialunnguit matuma siorna AG-mut oqaatigisai allaanerupput, Naaja Nathanielsen oqarpoq.

Aamma atuaruk Nathanielsen: Nunarput qimaasunik aalajangersimasunik amerlassusilinnik tikisitsili

Aamma atuaruk Naaja Nathanielsen IA-mit tunuarpoq