Mount Everestimut 2018-imi qaqisut aatsaat taama amerlatigisut
Qaqqaq 8848 meterimik portussuseqartoq 807-riarlugu ukiormanna qaqineqarpoq, Nepalimi atorfilittat tamanna ilisimatitsissutigaat.
Kingullermik 2013-imi rekordiliisoqarpoq, taamani inuit 655-t qaqqat portunersaannut qaqimmata.
AAMMA ATUARUK Mount Everestimi kisimiilluni qaqqasiorneq inerteqqutaalissaaq
Qaqqasiortartut Nepalimiut, marluk angut arnarlu, rekordiliisareersimasut rekordileeqqipput.
Angutip 22-riarluni Everest qaqisimavaa, arnallu qulingiluassaannik qaqisimallugu.
Taamaalilluni nunarsuarmi qaqqaq portunersaasoq, Everest inunnit 5000-init qaqineqareersimavoq.
/ritzau/AFP