CSR Greenland Mogens Lykketoft Aaja Chemnitz Larsenilu pingaarnertut oqalugiassapput
Folketingimi ukiorpassuarni siulittaasuusimasoq, Socialdemokraatineersoq Mogens Lykketoft Folketingimullu ilaasortaq Aaja Chemnitz Larsen CSR Greenlandip Sulisitsisut, Transparency Greenlandillu Nuummi aggustip 15-ianni ataatsimeersuartitsineranni oqalugiartuni pingaarnerussapput.
Ataatsimeersuarnermi ’Naalagaaffiit Peqatigiit nunarsuaq tamakkerlugu piujuaannartitsineq tunngavigalugu ineriartornissamik anguniagai 17-it’ qulequtarineqassaaq. Tunngaviit naleqartitat ”Piitsuussuseqarunnaarsitsineq” - ”Kaannermik unitsitsineq” - ”Suiaassutsit akornanni naligiissitsineq” nunarsuarmi inuiaqatigiinnit ukiuni aggersuni piviusunngortinniarneqassapput.
Nunarsuarmi anguniarneqartut qanoq isumaqarnerat aamma maani Kalaallit Nunaanni ataatsimeersuarnermi sammineqassaaq, qanorlu iliornikkut piviusunngortinneqassanersut sammineqassalluni.
Mogens Lykketoftip Aaja Chemnitz Larsenillu saniatigut Royal Greenlandip pisortaa, Mikael Thinghuus meeqqallu illersuisuat Aviaaja Egede Lynge Katuami ataatsimeersuarnermi aggustip 15-ianni oqalugiartunut ilaassapput.
AAMMA ATUARUK CSR Greenland er vært ved nordisk møde i Reykjavik
AAMMA ATUARUK CSR Greenlandimeersoq akissarsitinneqarpoq
