CSR Greenlandimeersoq akissarsitinneqarpoq

CSR naalisaataavoq, isummap qallunaatut imarisaa tassaalluni, suliffeqarfiit inuiaqatigiinnut akisussaassuseqartariaqartut.

Kategoriimi CSR Professionalimik taaneqartartumi ajugaavoq Anne Mette Christiansen, CSR Greenlandimeersoq. Taassuma CSR-ip  Kalaallit Nunatsinni ilisimaarineqalernissaanik sulissuteqarnini akissarsissutigaa.

CSR Greenland siorna pilersinneqarpoq, kalaallillu suliffeqarfii 31-t massakkut ilaasortaapput. Akissartititsinerit Sønderborgimi sisanngormat agguaanneqarput. Peqataasunut ilaapput Prins Joachim, aningaasaqarnermut- inuussutissarsiornermullu ministeriusimasoq Brian Mikkelsen aamma silap pissusaa pillugu oqallissaarisartoq, præsidentimullu tullersortaasimasoq, amerikamiu, Al Gore.

CSR-ip Aningaasaateqarfia nutaajuvoq, suliffeqarfiit CSR-imik atassuteqarnerannik paasititsiniaasartoq. Suliffeqarfiit inuiaqatigiinnut akisussaassuseqarnertik  nittarsaannerusariaqaraat, aallarniisup, aviisiliortup Axel Boisenip, kissaatigaa, taamaammallu septembarip 29-at "pingaakujuttut ulluannik" taaneqartassasoq suaarutigaa.