Politikki Inuussutissarsiutit Avatangiisit Ilinniarneq

Missinnaajunnaarsitsineq nunatsinni ilisimatusartoqarneranut aarlerinartitsisoq

Ilisimatuut Tunup Avannaarsuanut Villum Research Centerimukartut ukiortaamiilli Svalbardimit qanittumiittumut Station Nordimut ingerlaarnissamut mattunneqarput.

Allattoq Helle Nørrelund Sørensen

januaarip 14-at 2019 05:36

Nutserisoq Connie Fontain

Allannguuteqartoqarnera pissutigalugu ilisimatuut angalanissaat maanna akisuallaalerpoq.

AAMMA ATUARUK Nunatsinni Ilisimatusarfiit avannarpasinnersaat atoqqaarfissiuleraat

Ilisimatuut norgemiut qeqertaannit, Svalbardimit Station Nordimut Villum Researchip inissisimaffigisaanut ukiup naalernerani timmisartortaraluarput.

Illersornissaqarfimmeersut Station Norderimiipput. Taamaammallu allamiut ilisimatusartut tikittarnerat pissutigalugu Aarhus Universitetip Kalaallit Nunaanni Politiinut Namminersorlutik Oqartussanullu paasissutissat nassiuttarpai.

Svalbard Schengenimi isumaqatigiissummi ilaanngitsoq

Svalbardimit timmisartoq Station Nordimut januaarip aallaqqaataaniilli minnissamut akuersissuteqarunnaarpoq.

Aarhus Universitetip oqarnera naapertorlugu tamanna Svalbardip Schengenimi suleqatigiinnermi nunatta Danmark aqqutigalugu ilaaffigisaani EU-milu nunani innuttaasunut EU-p avataani avammut killeqarfeqartitsisumut ilaannginneranik pissuteqarpoq.

AAMMA ATUARUK Staten støtter forskningshub med tre millioner om året

Nunani allaneersut ilisimatusartut tamatumunnga taarsiullugu mittarfimmut politeeqarfilimmut mittalissapput.

Sumiiffillu qaninnerpaaq tassaavoq Ittoqqortoormiit eqqaniittoq Nerlerit Inaat - mittarfillu Station Nordimit 1200 kilometerinik ungasitsigisumiippoq.

Villum Research Centerimukartussat unitsinneqartut

Ilisimatuulli Ittoqqortoormiikkooriarlutik Station Nordiliartassagunik tamanna inummut ataatsimut saniatigut 350.000 koruuneqassaaq.

Akit assigiinnginnerat pissutigalugu nunani allaneersut Villum Research Centerimi ilisimatusartut tikittarneri tamarmik unitsinneqarput.

AAMMA ATUARUK Kinamiut takornariat ajornannginnerusumik tikittalernissaat nuannaarutigineqartoq

- Ilisimatoortavut Villum Research Centerimi uuttortaaveqarput taakkulu uuttortaavimmi ilisimatusarnerminnillu nakkutiginnissinnaajunnaariasaarlutik, taamaattumik sumiiffik orninneqarsinnaanngitsutut oqallisaapallappoq, Henrik Skov oqarpoq.

Inatsiseqarnermut ministereqarfiup akissuteqarnissaa KNR-ip utaqqivaa.

Aarhus Universitetip suleriaaseq nutaaq pissutigalugu Naalagaaffiup Politiivi immikkut ittumik akuersissuteqarnissamik qinnuteqarfigai.

Folketingimut ilaasortap, Aaja Chemnitz Larsenip (IA) inatsiseqarnermut ministeri aamma nassuiaateqaqquaa.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.