Naalagaaffik ilisimatusarnikkut misissuivissamut 3 millioninik ukiut tamasa tapiissuteqartassaaq
Danskit 2019-imut aningaasanut inatsisaanni tamanna atuarneqarsinnaasoq, Altinget: arktis taama allaaserisaqarpoq.
Misissuivissaq Issittumut tunngatillugu nunatsinni ilisimatusarnerup nukittorsarneqarnissaanik ilisimatusarnerullu nunatsinni innuttaasunut iluaqutaanerunissaanik siunertaqassaaq.
Ukiumulli 3 millionit koruuninik tapiissuteqartarnissaq danskit ilinniartitaanermut ilisimatusarnermullu ministeriata Tommy Ahlersip (V) aappaagumut missingersuusiornermi neriuutigisimasaanit ikinnerupput, Aalborgip Universitetiata aaqqissuussinerani Polarforskerdagenimi sapaatit akunnerata siuliani pisumi tamanna nassuerutigaa.
AAMMA ATUARUK Ilisimatusarfik nutaaq Issittumilu nakkutiginninnerulerneq
Issittumulli tunngatillugu ilisimatusarnermi siuttuusut ilaat, ujarassiooq professorilu Minik Rosing naapertorlugu, aningaasat amerlassusiat aallartitsinissamut naammakutsoorput.
- Aallaqqaammut aningaasat amerlanerusussaannginnerat tusarlugu toqqissiallannarpoq. Pisariaqartitsinermi misissuivimmillu atuinissamut soqutiginninnerup annertusiartornera ilutigalugit misissuiviup annertusiartortinnissaa pingaaruteqarpoq. Aallaqqaataaniilli sorpassuarnik pilersitsisoqarneranit pitsaaneruvoq, Aalborgip Universitetiata aaqqissuussaani Ahlersip aamma peqataaffigisaani taama oqarpoq.
AAMMA ATUARUK Nunarput Issittumi ilisimatusarnermi katersuuffiussasoq
