Ministeriuneq Nuummi silarlummat Kangerlussuarmi kinguaattooqqasoq
Ministeriunerup Mette Frederiksenip Nuummut ulloqeqqata kinguninngua tikinnissaa pilersaarutaagaluarpoq, illoqarfiilli pingaarnersaanni silarlummat, pilersaarutitut tikissanersoq nalunarpoq.
Mette Frederiksen Nuummi Katuami aqagu aaqqissuussami nunatsinnut pisortatigoortumik tikeraarnermini peqataassaaq.
Tassani meeraanerminni 1951-imit misileraatigineqarsimasunut sinneruttunut arfinilinnut pingajussaanik utoqqatsissaaq.
- Meeqqat tamarmik toqqissisinissartik ersiunnginnissartillu pisariaqartippaat. Taakkulu marluk ilissinninngaanniit arsaarinnissutigineqarput.
- Taamani siunertarineqartoq pitsaagaluarlutik kingunerluuteqartupilussuupput, ministeriuneq naalagaaffik sinnerlugu utoqqatserluni sapaatit akunnerata siuliani oqalugiarnermini oqarpoq.
AAMMA ATUARUK Oqaluttuarisaanermut ilisimatooq: Misileraataasimasunut nunarput akisussaatinneqarsinnaanngilaq
Ministeriuneq naalagaaffiup misileraanermut atatillugu iliuusai pillugit allakkatigut 2020-mi decembarimi utoqqatserpoq.
Mette Frederiksen Nuummut ullumi tikissinnaassagu aqagu Ilulissanukassaaq.