Danmarkip naalakkersuisui: Ministerit marluk ministeriffiugisaminnik paarlaapput
Danskit naalakkersuisuisa akornanni paarlaattoqarpoq.
Tassa Venstret siulittaasuat, Jakob Ellemann-Jensen parteeqatinilu Troels Lund Poulsen ministeriuffigisaminnik paarlaapput.
Jakob Ellemann-Jensen ministeriunermut tullersortaaginnarluni aningaasaqarnermut ministerinngorpoq, Troels Lund Poulsenilu illersornissamut ministerinngorluni.
Illersornissamut ministereqarfimmi suliat ajortut arlaqartut iluarsineqartariaqarmata taama aalajangertoqartoq, Jakob Ellemann-Jensen tusagassiortunik katersortitsisoqarnerani nassuiaavoq.
- Ministeriuffigisatsinnik paarlaappugut, ministereqarfilli ajortunik inaartariaqakkanik suliassaarutinngilaq, Ellemann-Jensen oqarpoq.
Illersornissamut ministereqarfimmilu suliat ajortut Ellemann-Jensen partiimini Venstremi suliassaqartilluni naalakkersuisunilu qaffasissumik inissisimatilluni inaarneqarsinnaanngillat.
- Tamakku ilaatigut pissutigalugit naalakkersuisutut paarlaattaqarsimavugut. Suliat taakkua aallunneqartariaqarput. Suliassallu taakku ministerip partiimi siulittaasuutillugu inaarneqarsinnaanngillat, Venstremi naalakkersuisunilu suliassakka salliiuttariaqarpakka, Jakob-Ellemann Jensen oqarpoq.