Meeraaqqat isiginnaarutini assigiinngitsuni agguaqatigiisillugu ullormut 101 minutsini isiginnaartartut
Qarasaasiat isiginnaarutitaat meeqqat ulluinnarni inuuneranni initoorujussuupput.
Danmarkimi meeqqat meeqqerivimmiittut quliugaangata qulingiluat oqarasuaatit angallattakkat qarasaasiaaqqalluunniit tabletit angerlarsimaffimminni ulluinnarni atukulavaat, taakkunanngalu meeqqat quliugaangata arfineq-marluk kisimiillutik qarasaasiat ulluinnarsiutigisarpaat.
Meeqqat atugarisaat pillugit Danmarkimi suliniaqatigiiffiup Børns Vilkårip meeqqanik meeqqerivimmiittunik 567-inik misissuinerata tamanna takutippaa.
Misissuisartut Nielsenikkut isiginnaartartut amerlassusaannut kisitsisit qimerlualaarsinnaasimavaat.'
Meeqqat pingasut arfinillillu akornanni ukiullit 80 procentii qarasaasiakkut isiginnaagassanik isiginnaartartut erserpoq.
Meeqqat 80 procentii qarasaaasiaq atorlugu agguaqatigiissillugu ullormut 84 minutsini isiginnaartartut, tv-mi nalinginnaasumik ullormut minutsini 17-ini isiginnaartartut.
Tassa ullut tamaasa 101 minutsini isiginnaarutini assigiinngitsuni isiginnaartarput. Tamanna sapaatit akunneranut akunnernik aqqanilinnik naleqarpoq, imaluunniit Børns Vilkårip innersuussutaata marloriaataa sinnerlugu.
Meeqqat qarasaasiaq atorlugu imaluuniit App-it atorlugit internetikkut taassuma saniatigut spillertarput.
Isiginnaagassanik siammerterivik YouTube meeqqanit matumani atorneqarnerpaasoq nalunaarusiami aamma atuarneqarsinnaavoq.
