Naalakkersuisut: Meeqqat kigutaannik narlorsaasarneq unitsinneqanngilaq

Meeqqat kigutaannik narlorsaasarneq ingerlaannassasoq, suleriaatsimillu allannguisoqassappat inatsisartut aalajangiisussaasut Peqqissutsimut naalakkersuisoqarfiup nalunaarutigaa.

Sermitsiaq.ag-p sapaatit akunnerata siuliani allaaserisaa naapertorlugu, peqqinnissaqarfiup qullersaqarfiata pisortat kigutileriffiini, meeqqat kigutaat narlorsaaserlugit suliarineqartarnerat unitsippaa.

Tamannali eqqortuunngitsoq Peqqissutsimmut naalakkersuisoqarfik ataasinngornermi allappoq.

- Naalakkersuisulli aalajangigassaq tamanna akuersissutigisassatut suliarinikuunngilaat, soorlu tamannarpiaq tunngavigalugu Naalakkersuisut aalajangigaq tamanna akuerinikuunngikkaat, Naalakkersuisoqarfik allappoq.

- Meeqqanut neqerooruteqarnermik unitsitsineq aalajangigassaq annertuujuvoq, politikkikkut oqallinnerit aamma paasissutissiissutaasumik tunngaveqarluni aalajangiinerit piumasaqaataasut sioqqullugit atuutilersinnaanngitsoq, Peqqissutsimut naalakkersuisoq Martha Abelsen oqarpoq kigutigissaanerlu pillugu nalunaarut nr. 15, septembarip 13-ani 2006-imeersoq innersuussutigalugu.

Sulisussarsiniartarnerli ajornakusoormat kigutit narlorsarneqartarnissaannut misissuisarneq allanngortinneqartoq Peqqissutsimut naalakkersuisoqarfiup erseqqissarpaa.

Peqqissutsimut naalakkersuisoq Martha Abelsen aggustip ingerlanerani misissuititsiniarpoq. Taakkualu inernerinik Inatsisartut Ilaqutariinnut Peqqissutsimullu Ataatsimiititaliaannut saqqummiussissalluni. Taava misissuinerup inerneri aallavigalugit neqeroorutit ingerlaannarnissaanut politikkikkut aalajangiisoqarsinnaassasoq, naalakkersuioqarfik allappoq.

Inatsisartut oktoberimi Peqqinnissaqarfiup siunissami neqeroorutissai takorluukkallu pillugit isumasioqatigiinnissamut qaaqqusaapput, tassanilu Peqqinnissaqarfik meeqqat kigutaannik narlorsaanissamut suli neqerooruteqaannassanersoq oqallisigineqassasoq naalakkersuisoqarfik aamma paasissutissiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat