Meeqqat Illersuisuata innuttaasut peqataatinnerorusukkai

Ikiorneqartariaqartunik meerarpassuaqartoq, Naalagaaffiillu Peqatigiit meeqqat pisinnaatitaaffii pillugit isumaqatigiissutaat eqqortinneqanngitsoq MIO-p nalunaarusiaata nutaap takutippaa.

Meeqqallu isumaginnittoqarfimmut suliassanngortinneqannginneranni atugarissaarnerulernissaat anguniagassaasoq, Aviâja Egede Lynge isumaqarpoq. Innuttaasullu peqataatinnerisigut tamanna anguneqarsinnaanerussaaq, taakkumi pissutsinik ilisimasaqartuusut Meeqqat Illersuisuata oqaatigaa.

- Allannguinerni kisimi kommunit pineqannginnamik, inuiaqatigiinnut aaqqiinissamik tunngammata innuttaasut peqataatinneqarnissaat innersuussutigaarput, Aviâja Egede Lynge oqarpoq.

Aamma atuaruk Tunumi meeqqat periusissiamit ikiorneqassapput

Innuttaasunilli ajornartorsiutimut aaqqeeqataarusuttunik peqataatitsinissaq kommunip suliassarigaa Meeqqat Illersuisuata oqaatigaa, Meeqqat Illersuisuat suliuniuteqartitsinissamut pisinnaatitaaffeqanngimmat.

Meeqqat Illersuisuata angalanerani innuttaasunit piumasarineqartutut oqariartuutigineqarsimasut ersaripput.

- Inuit oqaloqatigisimasagut tusarneqarusullutik, ataqqineqarusullutik aallaavigineqarlutillu erseqqarissorujussuarmik oqariartuuteqarput, Meeqqat Illersuisuat Aviâja Egede Lynge oqarpoq.

Kommuneqarfik Sermersooq Meeqqallu Illersuisuat pissutsit pillugit qanittukkut ataatsimiissapput.

Aamma atuaruk Meeqqat illersuisuat: Ajornartorsiutit ammasumik oqallisigisigit

Aamma atuaruk Aviaja Tasiilami meeraanermini sumiginnagaasimavoq