Politikki

Meeqqanut ileqqorissaarnissamut oqallittarfimmik pilersitsilersaartut

Namminersorlutik Oqartussat meeqqallu pisinnaatitaaffiinik illersuiffiup MIOp meeqqanut ileqqorissaarnissamut oqallittarfimik, meeqqanut tunngasunik pingaarutilinnik oqalliffissamik pilersitsisinnaaneq misissorniarpaat.

Allattoq Karsten Sommer

februaarip 01-at 2016 16:13

Nutserisoq Gâbánguak Bidstrup

Naalakkersuisut siulittaasuata Kim Kielsen, Meeqqallu illersuisuata Aviâja Egede Lyngep inuiaqatigiinni kikkut tamarmik meeqqat innarlerneqartarnerannik unitsitsinissamik akisussaaffimmik tigusisariaqarnerat isumaqatigiissutigaat.

Meeqqanut ileqqorissaarnissamik oqallittarfimmik pilersitsinissamik isuma MIOp saqqummiuppaa, assersuutigalugulu pingaartitat suut meeqqat illersorneqarneranni, meeqqat perorsarneqarneranni qanorlu meeqqat killilerneqartarnerannut toqqammaviussanerannik oqalliffiusassaaq.

Aamma atuaruk Naalakkersuisut kommunit nakkutiginerulerniarpaat

Naalakkersuisut siulittaasuata meeqqat illersuisuat meeqqanik pingaartitsinerminik taamaammallu 2016-ip meeqqanut ukioritinnissaanik aalajangersimanerminik ilisimatippaa.

Taakku ukiumi aggersumi akuttunngitsumik naapittarlutik meeqqanut tunngasunik ilisimatitseqatigiittarnissartik isumaqatigiissutigaat.

- Meeqqat illersuisuattut meeqqat annertuumik eqqummaariffigineqarnerat nuannaarutigaara, iliuuseqarnissatta tamattalu akisussaaffimmik tigusinissatta pisariaqartinneqarnera erseqqissarumavara, meeqqat illersuisuat Aviâja Egede Lynge oqarpoq.

Aamma atuaruk Meeqqat navianartorsiortut pillugit danskit ikiuunnissaat Aajap kissaatigaa

Aamma atuaruk Meeqqanik annersaasarnerup inerteqqutaalernera nuannaraa