Meeqqanik annersaasarnerup inerteqqutaalernera nuannaraa
Ilaqutariit pillugit inatsisiliortarneq Nunattta namminersorneranut atatillugu sulianut tigusanut ilaanngilaq, tassalu suliaq tamanna Danmarkimi Folketingip suli pisussaaffigaa.
Tassalu ilaqutariit pillugit inatsisit assigiingitsut Folketingimit ippassaq inaarlugit suliarineqarput. Angajoqqaat akisussaanerat pillugu Danmarkimi inatsisit nunatsinni atortussaalersinenqartut taakkununnga ilaapput.
- Qanganisaagami taamaammat ullutsinnut tulluarsarneqarnera qujanarpoq, Aviâja Egede Lynge oqarpoq.
Aamma atuaruk Suiaqatiminoortut oqaluffimmi katissinnaalerput meeqqallu annersarneqaqqusaajunnaar
Meeqqap pisuni oqartussaaqataanera inatsimmittaaq akuerineqarpoq. Tassalu angajoqqaat katissimasut avinnialerpata, meeqqap kissataa tusarneqartartussanngorpoq, assersuutigalugu sumi najugaqarnisssamik kissaataanik.
- Taanna meeqqat pisinnaatitaaffii eqqarsaatigalugit meeqqat oqartussaaqataanerat peqataatinneqartarnissaanullu eqqarsaatigalugu nuannaarnarpoq qujanarlunilu tassa taakkua nikeriaataapput pitsaasut.
Pitsaanerusinnaasut
Sulili pitsanngorsaasoqarsinnaasoq meeqqat illersuisuat isumaqarpoq, nunatsinnilu pissutsit eqqummaariffigineqarnerusinnaasut tikkuarpaa.
- Nunatsinnut eqqarsaatigalugu aamma killeqarput, tassa imaappoq inatsik una qallunaat nunaanniippoq taamaammat assigiingitsuniik imaqalaarpoq nunatsinnut tulluarsagaaneranut apeqqusernarsinnaasunik, imaluunnniit suli pitsanngorsarneqarsinnaasunik, Aviâja Egede Lynge oqarpoq.
Aamma atuaruk Simon Lynge meeqqat pisinnaatitaaffii pillugit qaammarsaaqataassaaq
Taassuma Nunatta isorartunerujussua inatsimmik allannguinialernermini eqqarsaatiginerusariaqaraat oqaatigaa.
- Kisia uani eqqarsaatigineqarpallaarsimanngilaq soolru angajoqqaat avissappata assersuutigalugu, angajoqqaat aappaa Qaanaamiippat aappaalu Nuummilluni nunatta isorartunerujussua uani immaqa eqqarsaatigineqarpiarsimanngilaq aalajangiinermi assersuutigiinarlugu, meeqqat illersuisuat Aviâja Egede Lynge oqarpoq.
