Masaana Egede Sermitsiaq.AG-mi siuttunngulertoq
Tusagassiorfiup namminersortup, Sermitsiaq.AG-p, pisortaaneriunnaagassaa aaqqissuisuuneriunnaagassaalu Christian Schultz-Lorentzen paarlatsissarsineqarpoq.
Pisortanngortussarlu tassaavoq, 38-nik ukiulik Masaana Egede. Taanna KNR-Radiomi pisortaasimasoq Royal Greenlandip attaveqatigiinnermi pisortaatut maanna atorfeqarpoq.
Atorfittaassamini sulilernissi qilanaarigini, taanna Sermitsiaq.AG-imut oqarpoq.
- Tusagassiornerup aamma tusagassiorfiup – sulisut peqatigalugit – ineriartortinnissaanut qilanaarpunga, taamaalilluni siunissamut alloriarluni kalaallinut inuiaqatigiinnut pingaaruteqassutsini nukittussutsinilu attatissammagit.
Masaana Egede KNR-ip siulersuisuini 2023-mi marsimi ilaasortanngorpoq. Taassuma siulersuisuinit tunuarnini KNR-imut oqaatigaa, siulersuisunilu siulittaasoq Mette Steenholdt nalunaarfigisimanerarlugu.
Masaana Egede Sermitsiaq.AG-mi septembarip aallaqqaataani pisortanngussaaq.
