Marlunnik toqutsisup iliuutsini nalusimanngilaa
Upernaviup nunaqarfiisa ilaanni Kangersuatsiami maajip qaammataani inunnik marlunnik toqutsinerup misissuiffiginera naammassineqarpoq.
Angut 23-inik ukiulik inunnik marlunnik toqutsisimasutut politiinit unnerluunneqarpoq. Toqunneqartut tassapput arnaq 26-inik ukiulik taassumalu pania arfinilinnik ukiulik.
Unnerluunneqartoq maajip qaammataanili tigusarineqarami Nuummi tigummigallagaavoq eqqarsartaatsikkut nappaatinut nakorsamit qaammatit pingasut missaanni misissorneqareersimalerpoq. Nakorsap naliliinera naapertorlugu angut toqutsinermi nalaani qanoriliuusini nalusimanngilai.
Unnerluunneqartoq toqutsinini nassuerutigisimaneraa politiinit massakkuugallartoq oqaatigineqarsinnaanngilaq. Tamanna sapaatip-akunnerata tulliani eqqartussisoqalerpat aatsaat paasissutissiissutigineqassaaq, Nuup politeeqarfiani fuldmægtig Søren Jæger taama nassuiaavoq.
Unnerluutigineqartoq marlunngorpat Upernaviup eqqartuussivianut sassartinneqassaaq.
