Politikerit apeqqummi isumaqatigiinngillat

Marlunnik qinigaaffeqarnermut qujaannarpunga. Kommuneqarfik Sermersuumi kommunalbestyrelsemi ilaasortaq IA-meersoq Malene Lynge taama oqarpoq. 

- Uanga tulluarnerusorivara Kommuneqarfik Sermersuumi inuttaasunut kommunalbestyrelsemi ilaasortaasut pimoorullugu suliatik aallutissagaat, Kommuneqarfik Sermersuumi kommunalbestyrelsemi ilaasortaq IA-meersoq Malene Lynge taama oqarpoq.

AAMMA ATUARUK Marluinnik qinigaaffeqarneq IA-kkormiup apeqquserpaa

Kommunalbestyrelsemi sulinermi unammillernartoqaqisoq suliallu naammattumik pitsaasusilimmik naammassineqarsinnaanngitsut taassumap takusinnaareerpaa. Taamaammat Inatsisartunut ilaasortat Kommunalbestyrelsemut qinigassanngortittut sakortuumik isornartorsiorpai.

Tassammi kommunalbstyrelsemi missingersuutinik ukiakkut ulappuseruttorfimmi Inatsisartut aamma ataatsimiittarmata.

- Inatsisartuni ilaasortaajutigaluni Kommunalbestyrelsemut ilaasortaaniaraanni taakkua tamarmik suliassat pingaarutilerujussuit ilumut ajunngitsumik aallussinnaanerlugit apeqqusersorpara, Malene Lynge taama oqarpoq.

Isumaqataanngilaq

Parteeqataali Ane Hansen, Qaasuitsut kommuneani Borgermesterimut tullersortimut  aappaalluni Inatsisartunut ilaasortaavoq, taassumalu marlunnik qinigaaffeqarneq ajornartorsiutissaqartinngilaa.

Akerlianili iluaqutissartaqarsoraa.

 - Tassami assigiinngitsunik ilisimasassat sunniuteqarfigineqarsinnaasarmata aamma Inatsisartut arajutsisai Kommunep susassaqarfiinut tunngasut  aamma ilisimasaqarfigineqarlutik apuunneqartaramik inuit ataasiakkaat sulisinnaassusiat aamma apeqqutaasorujussuuvoq, Ane Hansen Taama oqarpoq.

Qinigaaffiit marluk ingerlassinnaavakka

Inatsisartunut ilaasortaq Martha Lund Olsen Siumumeersoq, Kommunalbestyrelsemut qinigaassagaluaruni aamma Inatsisartuniit tunuarniarani oqarpoq.

 -Tusagaqarnikuunngilanga naammagittaalliortunik taamatut innuttaasuninngaaniit suliassaminnik naammaginartutut suliaqarsimanngitsutut, Martha Lund Olsen taama oqarpoq.

AAMMA ATUARUK Delte meninger om dobbeltmandater

Taamatuttaaq Randi Vestergaard Evaldsenip kommunalbestyrelsemut Inatsisartunullu ataatsikkut ilaasortaaneq ajornartorsiutitassaqarsorinngilaa.

 - Isumaqanngilagut aporfissaqartoq soorlu kommunemi inatsisartunilu issianissaq, Randi Vestergaard Evaldsen taama oqarpoq.