Kronborgimi Kalaallit Nunaat pillugu peqatigiiffik suliniuteqartoq
Kronborgimi centeriliornikkut qallunaat nunanilu allaneersut takornariat nunarput pillugu ilisimasaqalernissaat anguniagaasoq, suliniuteqartup, Nuuni Heilmannip oqaatigaa.
Takornariarpassuarnik ullut tamaasa ornigarneqartarpoq aamma ilimagilluinnarparput ornigaluarneqarnissaa, aamma Kalaallit Nunaata oqaluttuassartai saqqummiunneqartariaqarmata, Peqatigiiffimmi siulittaasoq, Nuuni Heilmann taama oqarpoq.
Takornariat Kronborgimukartartut ukiumut 300.000-it takornariaqartarput.
AAMMA ATUARUK Kalaaliararmiut assigiinngitsorpassuarnik ulapputeqartut
Kalaallillu Danmarkimi najugallit 16.000-iupput, qallunaallu amerlanngitsut Kalaallit Nunaat ilisimasaqarfigaat, suliniummi siulittaasoq, Nuuni Heilmann oqarpoq.
- Kalaallit Nunaata Danmarkillu akornanni oqaluttuarisaaneq tuluit oqaasii atorlugit oqaluttuarineqarsinnaavoq, qallunaat takornariartartut kisimik pineqanngillat aammalil takornariaqartarpoq, nunanit allaneersut, Nuuni Heilmann oqarpoq.
Centerissaq piviusunngussappat nunarput pillugu paasissutissiisarnissaq sulissutigineqassaaq. Nuuni Heilmanillu neriuutigaa, Kulturcenterissami pikkorissarnerit, kalaallit eqqumiitsuliaat, eqqummiitsuliornermullu sannavissaq assarsorfissarlu periarfissaassasut.
Centerissaq pillugu Peqatigiiffik Kalaaliaraq pilersaarusiortussaavoq, sunik imaqassanersoq, suliniullu ukiuni pingasuni misileraataasussaq 3 milliuunit koruuninik missingersuusiorneqareersimavoq.
Qinnuteqaat Kultureqarnermut ministereqarfimmit akuerineqassappat aningaasaliisussartoqassaaq.
- Qinnuteqarsimassanngikkaluarpugut neriuuteqarsimanngikkaluarutta, tapersersuisoqarluarpoq neriuutigaarpullugu soqutiginnittoqarluarumaartoq, piviusunngornissaami kissaatiginaqaaq, Peqatigiiffik Kalaaliaqqami siulittaasoq, Nuuni Heilmann oqarpoq.
Kalaallit Nunaat pillugu paasissutissiinermut centeriliornissamut atatillugu Nunatsinnit soqutiginnittut ammaffigineqartut, siulittaasup aamma oqaatigaa.
