Mærsk nunarsuarmi tamarmi 10.000-nik sulisukinnerulissasoq
Umiarsuaatileqatigiiffinnut pissutsit allanngornerat A.P. Møller-Mærskip 10.000-nik sulisukinnerulertariaqarneranik kinguneqarpoq.
Atuisut nioqqutissanik piserusussusaat erniat qaffasinnerat aningaasallu naleerukkiartorneri ilutigalugit milliartormat, umiarsuaatileqatigiiffimmullu unammillertut amerlanerusunik umiarsuaateqalermata, containerinik assartuinermut akit qaammatini kingullerni amerlasuuni appariartorput.
Allattoq Ritzau
novembarip 03-at 2023 09:42
Nutserisoq Ivik Kristiansen
Coronap tunillaassuunnera pakkersimaartinniarlugu mattussisoqartarneranit assartuinermut akit qaffasissorujussooreersut akit nalinginnaanerulermata, umiarsuaatileqatigiiffinnut pissutsit allanngorput.
Tamannalu A.P. Møller-Mærskimut kinguneqarpoq. Nunarsuarmimi tamarmi sulisuni 110.000-iusut 10.000-nik ikilisinniarlugit maanna piareersaalerpoq.
Atuisut nioqqutissanik piserusussusaat erniat qaffasinnerat aningaasallu naleerukkiartorneri ilutigalugit milliartormat, umiarsuaatileqatigiiffimmullu unammillertut amerlanerusunik umiarsuaateqalermata, containerinik assartuinermut akit qaammatini kingullerni amerlasuuni appariartorput.
Tamatuma saniatigut orsussaq akisunerulernikuuvoq.
