Mittarfiit aatsaat 2023-mi naammasineqassasut
Nuummi mittarfittaassap sanaartorneqarnera pilersaarutit malillugit qaammammi uani aallartinneqartussaagaluarpoq, mittarfittaassallu pingasuusut oktobarimi 2022-mi naammassineqareertussaallutik.
Mittarfiilli takissusissaat Inatsisartunut upernaaq qinersinerup kinguninngua nalornissutigineqalermata Kalaallit Airports aalajangerpoq suliarimannittussarsiuussineq kinguartinniarlugu.
AAMMA ATUARUK Neqeroortitsinissaq kinguartinneqarsinnaavoq
Taamaammat piffissamut nutaamik pilersaarusiortoqartariaqarpoq, Kalaallit Airportsip siulersuisuini siulittaasoq oqarpoq.
- Maannakkut pilersaarutitsinni aatsaat maajimi 2019-imi Nuummi Ilulissanilu mittarfissat nutaat sanaartornerat aallartittussaavoq. Taamaalillutik mittarfiit oktobarimi 2023-imi naammassissapput, Kalaallit Airportsimi siulersuisut siulittaasuat, Jóhannus Egholm Hansen, Sermitsiamut taama oqarpoq.
Piffissamullu pilersaarut nutaaq attanneqarsinnaassappat mittarfiit sanaartoqarneqarnissaat pillugu inatsisissatut siunnersuut Inatsisartut ukiaanerani ataatsimiinneranni amerlanerussuteqartunit akuersissutigineqartariaqarpoq.))