Politiit ullormut nalunaarutaat: Lars-Peter Beck Maniitsumeersoq suli ujaarineqarpoq
Lars-Peter Beck septembarip 19-iani kingullermik takuneqarpoq umiatsiaaraalu qeqertap Ivittusup nalaani kivisimasoq sapaammi takuneqarmat ujaarineqalerpoq.
Lars-Peter Beck kingullermik septembarip 19-ani takuneqarpoq, sapaatiummalli umiatsiaa qeqertap Ivittuup eqqaani kivisimasoq takuneqarmalli maqaasineqarpoq.
Ujaasineq, qulimiguulimmik ujaasinermi atortakkamik, illersornissaqarfiup qulimiguuanik Seahawkimik, Kangerlussuarmiit aallartumik politiillu angallataannik sapaammili ingerlanneqartoq, pigaartut pisortaat Aputsiaq Hansen oqarpoq.
Lars-Peter Beckili suli nassaarineqarsimanngilaq. Politiit immakkut, nunakkut silaannarmiillu ujaasisut, pigaartut pisortaata erseqqissarpaa. Lars-Peter Beckilli septembarip 19-iata tungaanut sumiissimaneranik ilisimasaqartuniit politiit tusagaqarusuttorujussuupput. Allatigulluunniit ujaasinermi iluaqutaasinnaasunik paasissutissaateqartuniit.
Sisimiuni tillinniartoqaqattaartoq
Politiit Sisimiuni innuttaasuniit aamma ikioqquneqarput. KNI Engros quersuaanutmarlunngornerup unnuaani nalunaaqutaq marlup pingasullu akornanni tillinniartoqarsimaneranut tunngavoq.
Tillinniartut aningaasat annertulaartut pisiassallu tillissimagaat, pigaartut pisortaat oqarpoq.
Politiilli suli tigusarisaqarsimanngillat tillinniallu suli kinaassusersineqanngitsut suli ujaarivaat. Taamaattumik unnuap ingerlanerani pasinapiluttumik takunnittoqarsimappat, politiit attavigeqquneqarput, Aputsiaq Hansen oqarpoq.
- Sisimiut sapaatit akunneri arlalialunnguit matuma siorna aallarusseqattaarnernit eqqugaavoq, tassungali taarsiullugu tillinniaqattaaarnernit maanna eqqugaavoq, Aputsiaq Hansen oqarpoq.
Lars-Peter Beckip sumiissimaneranik ilisimasaqaruit Sisimiuniluunniit pasinapiluttumik unnuaq takusaqarsimaguit, Kalallit Nunaanni Politiit 70 14 18-mut attavigisinnaavatit.
Ullormullu pisut arlallit angerlarsimaffimmi eqqissiviilliortitsinermut tunngasut pigaartut pisortaa oqarpoq. Pisut ilai imigassartorsimanermut attuumassuteqarnerarpai, pisulli ilaanni meeqqat najuussimannginnerarpai.
